Mumbai News : मुंबईच्या वडाळा टीटी पोलीस ठाण्याच्या (Mumbai Wadala TT Police Stations) तत्कालिन लाचखोर वरिष्ठ पोलीस निरीक्षकासह उपनिरीक्षक यांच्यावरील कारवाई (Mumbai Crime News) संदर्भात एक महत्त्वाची बातमी समोर आली आहे. वडाळा टी.टी. पोलिस ठाण्याचे वरिष्ठ पोलीस निरीक्षक चंद्रकांत सरोदे (वय 52) आणि पोलिस उपनिरीक्षक राहुल वाघमोडे (वय 37) यांच्या विरोधात कठोर कारवाईचा (Crime News) बडगा उगारण्यात आला आहे. लाचलुचपत प्रतिबंधक विभागाच्या (ACB) कारवाईनंतर आता पोलीस महासंचालकांनी या दोन्ही अधिकाऱ्यांवर बडतर्फीची कारवाई केली आहे.
Mumbai Crime News : तक्रारदाराकडे पाच लाख 50 हजाराची मागणी
मिळालेल्या माहितीनुसार, सप्टेंबर महिन्याच्या शेवटच्या आठवड्यात ट्रॅप झालेले वडाळा टी टी पोलिस ठाण्याचे तत्कालिन वरिष्ठ निरीक्षक चंद्रकांत सरोदे (52) आणि उपनिरीक्षक राहुल वाघमोडे (37) यांच्या विरोधात कठोर कारवाईचा बडगा उगारण्यात आला आहे. पोलीस महासंचालकांनी या दोन्ही अधिकाऱ्यांवर बडतर्फीची कारवाई केली आहे. पोलीस ठाण्यात दाखल गुन्ह्यात मुलीस आरोपी न करण्याबरोबर गुन्ह्यात मदत करण्यासाठी व विरुद्ध गटातील व्यक्तीवर कारवाई करण्यासाठी चंद्रकांत सरोदे यांनी तक्रारदाराकडे पाच लाख 50 हजाराची मागणी केली होती. त्यापैकी दोन लाख 30 हजार घेताना वडाळा टी टी पोलीस ठाण्यातील केबिनमध्येच सरोदे यांना अॅण्टी करप्शन ब्युरोच्या पथकाने रंगेहाथ पकडले होते. शिवाय राहुल वाघमोडे यांनाही 30 हजार घेताना पकडले होते. लाच प्रकरणात दोघांनाही अटक झाल्यानंतर त्यांच्यावर निलंबनाची कारवाई झाली होती.
दरम्यान, पोलीस दलातील भ्रष्टाचाराला आळा घालण्यासाठी दोघांवर कठोर कारवाई करण्याची शिफारस पोलीस आयुक्तांकडून पोलीस महासंचालकांकडे करण्यात आली होती. त्यानुसार 311 अन्वये पोलिस महासंचालकांनी दोन्ही अधिकाऱ्यांना पोलीस खात्यातून बडतर्फ केल्याचे एका वरिष्ठ अधिकाऱ्यांकडून सांगण्यात आले.
Amravati Police : खुनाचा गुन्हा दाखल झाल्याप्रकरणी अमरावती ग्रामीणमधील आठ पोलीस कर्मचारी निलंबित
पकड वॉरंट मधील अटक आरोपीच्या मृत्यूप्रकरणी न्यायालयीन चौकशी अहवालानंतर, चांदूर रेल्वे पोलीस स्टेशनमधील आठ पोलीस कर्मचाऱ्यांविरुद्ध चांदूर रेल्वे पोलीस स्टेशनमध्ये संबंधित कर्मचाऱ्यांविरुद्ध गुन्हा दाखल करण्यात आला आहे. पोलीस अधीक्षक अमरावती ग्रामीण यांनी नमूद सर्व 8 पोलीस अंमलदार यांना निलंबित केले आहे.
निलंबित करण्यात आलेल्या कर्मचाऱ्यांमध्ये चांदूर रेल्वे पोलीस स्टेशन येथे कार्यरत सपोउपनि राजकुमार मुलामचंद जैन, पोलीस हवालदार विशाल मुकुंदराव रंगारी, महिला पोलीस शिपाई अश्विनी शामरावजी आखरे, सरिता वैद्य, पोलीस हवालदार प्रविण रामदास मेश्राम, पोलीस शिपाई अलीम हकीम गवळी, पोलीस शिपाई अमोल अमृतराव घोडे, पोलीस नाईक प्रशांत ढोके यांचा समावेश.
न्यायालयीन चौकशी अहवालात, आरोपीच्या मृत्यूसाठी गार्ड इंचार्ज आणि गार्ड ड्युटीवर असलेले पोलीस अंमलदार यांना जबाबदार धरण्यात आले असून नमूद पोलीस अंमलदार यांच्या या कृत्यामुळे पोलीस दलाची जनमानसात बदनामी झाली असून, कर्मचाऱ्यांनी अत्यंत बेशिस्त, बेजबाबदार व निष्काळजीपणा दाखवला असल्याचा ठपका त्यांच्यावर ठेवण्यात आला आहे. त्याचप्रमाणे न्यायालयीन चौकशीत दोषी आढळलेले पोलीस निरीक्षक अजय अहिरकर तात्कालीन ठाणेदार पोलीस स्टेशन चांदुर रेल्वे यांचे विरुद्ध कारवाई करिता वरिष्ठांना अहवाल सादर करण्यात आलेला आहे.
हे हि वाचा
आणखी वाचा
