इराण आणि अमेरिकेमधील संघर्ष आता शिगेला पोहोचला आहे. अमेरिका कोणत्याही क्षणी इराणवर हल्ला करू शकते, अशी स्थिती आहे, अमेरिकेनं मध्य पूर्वेत मोठ्या प्रमाणात आपलं सैन्यबळ वाढवलं आहे. दोन युद्ध नौका देखील तैनात करण्यात आल्या असून, शेकडो फायटर जेट पाठवण्यात आले आहेत. तर दुसरीकडे इराण देखील माघार घेण्यास तयार नाहीये, इराणला रशिया आणि चीनची साथ मिळत असल्यचां दिसून येत आहे, इराणने ओमनाच्या खाडीत रशियासोबत संयुक्त युद्ध सराव सुरू केला आहे. तर इराणवर हल्ला केल्यास त्याचे गंभीर परिणाम होतील असा इशाराही रशियाकडून अमेरिकेला देण्यात आला आहे. आता या सर्व पार्श्वभूमीवर मोठी बातमी समोर येत आहे, ती म्हणजे आता अमेरिकेत हालचालींना वेग आला असून, इराणवर कशापद्धतीने सैन्य कारवाई करायची? इराणचे सर्वोच्च नेता अयातुल्ला अली खामेनेई आणि त्यांचा मुलगा मोजतबा खामेनेई यांचा खात्मा कशापद्धतीने करायचा? याचा प्लॅन अमेरिकेच्या सुरक्षा अधिकाऱ्यांनी अमेरिकेचे राष्ट्राध्यक्ष डोनाल्ड ट्रम्प यांच्यासमोर सादर केला आहे.
जर समजा अयातुल्ला अली खामेनेई यांना जरी मारलं तर त्यांच्यानंतर त्यांचा मुलगा मोजतबा हा इराणचा सर्वोच्च नेता बनू शकतो, सर्व सुत्रे त्याच्या हातात जाऊ शकतात, त्यामुळे खामेनेई सोबतच त्यांच्या मुलाचा देखील खात्मा करण्याचा प्लॅन अमेरिकेचा असल्याची माहिती रिपोर्टमधून समोर आली आहे. एक्सियोसच्या एका रिपोर्टानुसार अमेरिकेच्या सुरक्षा विभागानं इराणवर कशापद्धतीने हल्ला करायचा? याचे वेगवेगळे पर्याय ट्रम्प यांच्यासमोर ठेवले आहेत. मात्र याबाबत अजून तरी डोनाल्ड ट्रम्प यांनी त्यावर कोणताही निर्णय घेतलेला नाही, सर्व पर्यायांवर विचार सुरू आहे.
तर दुसऱ्या एका रिपोर्टमध्ये असा देखील दावा करण्यात आला आहे की, खामेनेई यांच्या मुलाची हत्या करण्याचा प्लान यापूर्वीच डोनाल्ड ट्रम्प यांना सांगण्यात आला होता. मात्र सध्या सर्व उपलब्ध पर्याय आणि त्यानंतर होणारे परिणाम यावर आता अमेरिकेचा संरक्षण विभाग आणि डोनाल्ड ट्रम्प यांच्यामध्ये चर्चा सुरू आहे. दरम्यान सुरुवातीला इराणवर लिमिटेड मिलेट्री हल्ला करायचा, ज्यामधून इराणवर त्यांचा अणु कार्यक्रम रद्द करण्यासाठी दबाव निर्माण करायचा असा देखील अमेरिकेचा एक प्लॅन असल्याची माहिती समोर येत आहे.
