वास्तुशास्त्रानुसार घरातील प्रत्येक वस्तू आणि भिंतीवरील प्रत्येक फोटो लावण्याचा आपल्या जीवनावर सकारात्मक किंवा नकारात्मक प्रभाव पडत असतो. सर्वात प्रभावी प्रतीकांपैकी एक म्हणजे सात धावणाऱ्या घोड्यांचं फोटो. अनेकदा लोकं याला केवळ एक सजावटीची वस्तू मानतात, परंतु वास्तुशास्त्रानुसार हा फोटो यश, शक्ती, धैर्य आणि प्रगतीचे प्रतीक आहे. जर तुम्हालाही तुमच्या करिअर किंवा व्यवसायात जलद प्रगती हवी असेल, तर घरामध्ये या घोडयांचं फोटो लावण्याची योग्य दिशा आणि नियम नक्की काय आहे ते जाणून घेऊयात.
7 हा अंक आणि घोडयांचं महत्त्व का आहे?
हिंदू धर्म आणि अंकशास्त्रामध्ये 7 हा अंक अत्यंत शुभ मानला जातो, जसे की सप्तर्षी, इंद्रधनुष्याचे सात रंग. त्याचबरोबर, घोडा सौर ऊर्जेचे प्रतीक आहे आणि त्याचा संबंध सूर्याच्या रथाशीही जोडला जातो. धावणारे घोडे जीवनातील अदम्य यशाचे प्रतीक मानले जातात.
धावणाऱ्या 7 घोड्यांचे फोटो घरात कोणत्या दिशेला लावावे?
पूर्व – जर तुम्हाला करिअरमध्ये प्रगती आणि समाजात आदर हवा असेल, तर हे फोटो तुमच्या घराच्या पूर्वदिशे कडील भिंतीवर लावा. यामुळे सरकारी कामात यश आणि आदर मिळेल.
दक्षिण दिशा – व्यवसायात ओळख मिळवण्यासाठी हे फोटो दक्षिण दिशेकडील भिंतीवर लावा. यामुळे तुमच्या कार्यस्थळी तुमचा अधिकार प्रस्थापित होईल.
उत्तर दिशा – जर तुम्हाला आर्थिक समृद्धी आणि उत्पन्नाचे नवीन स्रोत हवे असतील, तर तुम्ही उत्तर दिशेला हा फोटो लावू शकता.
फोटो लावताना हे 5 नियम लक्षात ठेवा
घोड्यांचे तोंड नेहमी घराच्या आतल्या बाजूला असले पाहिजे. जर त्यांचे तोंड मुख्य दरवाजाकडे असेल, तर संपत्ती आणि संधींचा ओघ बाहेर पडेल.
फोटोमधील घोडे आक्रमक किंवा धमकी देणारे दिसता कामा नयेत. त्यांचे चेहरे आनंदी आणि उत्साही असावेत.
घोड्याचे फोटो पूर्ण असावे. पाय कापलेले किंवा अपूर्ण चित्र वास्तूदोष निर्माण करते.
नेहमी लगाम न घालता मोकळेपणाने धावणाऱ्या घोड्यांचे फोटो निवडा. लगामाने बांधलेले घोडे अडथळ्याचे प्रतीक मानले जातात.
फोटोच्या मागे उगवता सूर्य किंवा मोकळी मैदाने असलेले चित्र अधिकच शुभ मानले जाते. फोटोमध्ये घोड्यांना पाण्यातून किंवा चिखलातून धावताना कधीही दाखवू नये.
( डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)
