अभिनेत्री दिया मिर्झाने सोशल मीडियावर काही खास फोटो पोस्ट केले आहेत. दिया मिर्झाच्या आयुष्यातील सर्वांत खास क्षणांचे हे फोटो आहेत. याच क्षणापासून तिने तिच्या आयुष्याच्या दुसऱ्या इनिंगची सुरुवात केली होती.
पाच वर्षांपूर्वी दिया मिर्झाने बिझनेसमन वैभव रेखीशी दुसरं लग्न केलं होतं. 15 फेब्रुवारी 2021 रोजी या दोघांनी मोजक्या पाहुण्यांच्या उपस्थितीत लग्नगाठ बांधली होती. त्याचे काही खास फोटो दियाने आता इन्स्टाग्रामवर शेअर केले आहेत.
लग्नाच्या या अनसीन फोटोंमध्ये दिया तिच्या पतीला लिपलॉक करतानाही दिसून येत आहे. 'ज्या रात्री आम्ही भेटलो होतो, तेव्हा तारेसुद्धा खुश झाले होते. पाच वर्षांपासून एकमेकांसोबत आहोत. वैभव.. तू माझं घर आहेस. आपली मुलं आणि आपलं सहजीवन ही माझ्यासाठी शांती आहे', अशा शब्दांत तिने भावना व्यक्त केल्या आहेत.
दिया मिर्झाप्रमाणेच वैभव रेखीचंही हे दुसरं लग्न आहे. पहिल्या लग्नापासून त्याला एक मुलगी आहे. तर दिया आणि वैभव यांना एक मुलगा आहे. लग्नानंतर दियाने वैभवच्या मुलीचाही कुटुंबात मनापासून स्वीकार केला.
वैभवच्या आधी दियाने साहिल संघाशी 2014 मध्ये लग्न केलं होतं. परंतु 2019 मध्ये त्यांनी घटस्फोट घेतला. परस्पर संमतीने त्यांनी विभक्त होण्याचा निर्णय घेतला होता. त्यानंतर दोन वर्षांनी दियाने वैभवशी लग्न केलं.
