अलिकडे सोशल मीडियावर एका ट्रॅफीक पोलिस कर्मचाऱ्याचा एक व्हिडीओ व्हायरल झाला होता.त्यात बाईकवर महिला रायडर पाहून ट्रॅफीक पोलिसांनी त्याला न तपासता सोडून दिल्याचे दिसत आहे. त्यानंतर सोशल मीडियावर आता चर्चा सुरु आहे की पुरुष पोलिस कर्मचारी महिला चालकांना रोखू शकतात की नाहीत ? यावर अनेक जण महिला चालकाला पुरुष पोलिस कर्मचारी रोखू शकत नाहीत असे म्हणत आहेत. तसेच काही लोक म्हणत आहेत की पुरुष कर्मचारी महिला चालकाची ब्रेथ एनालाझर टेस्ट देखील घेऊ शकत नाहीत. मात्र सत्य नेमके काय चला पाहूयात…
नियमात काय म्हटले आहे?
भारतीय वाहतूक नियम पुरुष कर्मचाऱ्यांना कागदपत्राची तपासणी वा नियमाचे उल्लंघन केल्यास वाहन चालवणाऱ्या महिला जरी असल्या तरी त्यांना रोखण्याचा संपूर्ण अधिकार पुरुष पोलिसांना आहे. सर्व राज्याचे पोलिसांसाठीचे नियम पुरुष आणि महिलांना एकच आहेत. सुर्यास्तानंतर महिला अधिकाऱ्यांची नियुक्ती अनिवार्य आहेत. मात्र हा नियम केवळ अटक वा ताब्यात घेण्याच्या संदर्भात आहेत. त्यामुळे सर्वसामान्य दैनंदिन तपासणीत हे नियम लागू नाहीत. त्यामुळे रात्रीचे देखील पुरुष पोलिस कर्मचारी महिला चालकाची चौकशी करु शकतात.
थोडक्यात कोणत्याही वाहनाला रोखणे, कागदपत्रांची मागणी करणे , वा दंड लगावणे याचा वाहन चालक स्री वा पुरुष असण्याशी काही संबंध नसून दोघांनाही सारखेच नियम लागू आहेत. रात्रीच्या वेळी अनेक राज्यात सुरक्षा आणि जनतेची सुविधेसाठी जेवढे शक्य असेल तेथे महिला अधिकाऱ्या तैनात करणे पसंद केले जाते. ही एक प्रथा असून कायदा नाही. पुरुष पोलिस अधिकाऱ्यांना आता रात्री अंधारात महिला चालकांना रोखण्यावर कोणतेही प्रतिबंध नाही.
पुरुष आणि महिलांमध्ये भेद नाही
साल २०१५ मध्ये नवी मुंबई पोलिसांनी गोल्फ क्लब रोडवर बेपर्वाईने कार चालवण्यासह नियमांचे उल्लंघन करणाऱ्या महिला चालकांच्या विरोधात कठोर मोहिम राबविली होती. महिला कॉन्स्टेबलांची संख्या कमी असल्याने पुरुष अधिकाऱ्यांनी दंड आकारण्यात आला. कायदा पुरुष आणि महिलांमध्ये कोणताही भेद करत नाही.
