अनिल कपुरचा ‘मिस्टर इंडिया’ हा चित्रपट तुम्ही पहिलाच असेल. या चित्रपटात एका सिनमध्ये ‘मिस्टर इंडिया’ हनुमानाची सोन्याची मूर्ती घेऊन खलनायकांना बदडून काढतो. तेजसाहेब या पात्राला जेवणात दगड असले तरी जबरदस्ती खायला लावतो. यावेळी तेजासाहेबांचा झालेला केविलवाणा चेहरा पाहून अगदी पोट धरून हसायला येत. या तेजसाहेबांचा रोल करणारे कलाकार होते अभिनेते अजित वाच्छानी. ते महाराष्ट्राचे जावई आहेत. चला जाणून घेऊया त्यांच्याविषयी…
तुम्ही जर ८० ते ९० च्या सिनेमाचे फॅन असाल खासकरून सुरज बडजात्या यांच्या यांचे चित्रपट पहिले असतील तर अजित वाच्छानी हा ओळखीचा चेहरा नक्कीच असेल. अजित वाच्छानी हे मूळचे सिंधी असले तरी गुजराती रंगभूमीवर त्यांचं मोठं नाव होत. शिवाय हिंदी सिनेसृष्टीतील लोकप्रिय कलाकार होते. ९०च्या दशकातील हिंदी मालिका त्यांच्याशिवाय पूर्णच होत नसत. लक्ष्मीकांत बेर्डे, अशोक सराफ आणि सचिन पिळगावकर या त्रिकुटाच्या ‘एकापेक्षा एक’मध्ये देखील ते झळकले होते.
अजित वाच्छानी महाराष्टाचे जावई
पण फार कमी जणांना माहित असेल कि हिंदी गुजरातीतला हा मोठा स्टार चक्क महाराष्ट्राचा जावई होता. होय, अजित वाच्छानी हे महाराष्ट्र भूषण शाहीर साबळे यांचे जावई होते. अजित वाच्छानी यांनी शाहीर साबळे यांची मुलगी चारुशीला साबळे यांच्याशी लग्न केलं होते. चारुशीला साबळे या देखील मराठी सिनेसृष्टी रंगभूमीवरीलला लोकप्रय अभिनेत्री आहेत. चारुशीला यांनी अनेक हिंदी नाटकांमध्ये देखील काम केले आहे. या दोघांची भेट एक नाटकाचा प्रयोगादरम्यानच झाली होती.
कशी झाली दोघांची भेट?
एका कॉमन मित्राद्वारे चारुशीला आणि वाच्छानी यांच्यात मैत्री झाली. अजित यांना चारुलता फार आवडल्या होत्या आणि त्यांनी त्त्यांचाकडे लग्नाची मागणी घातली होती. चारुशीला साबळे यांनी अजित वाच्छानी यांच्यासोबत लग्न केले होते. मात्र २५ ऑगस्ट २००३ रोजी अजित वाच्छानी यांचं हृद्यविकाराने मृत्यू झाला . त्यांची एक मुलगी त्रिशाला ही एअरहोस्टेस आहे व दुसरी योहाना गुजराती रंगभूमीवरील अभिनेत्री आहे.
