राष्ट्रवादी काँग्रेसचे नेते रोहित पवार यांनी उपमुख्यमंत्री अजित पवार यांच्या कथित विमान अपघाताच्या चौकशी अहवालावर गंभीर प्रश्नचिन्ह उपस्थित केले आहे. डीजीसीएच्या एआयबीने तयार केलेल्या या अहवालात अनेक त्रुटी असल्याचे पवार यांनी म्हटले आहे. अपघाताच्या ठिकाणी झाडे नसून केवळ झुडूप होते, असे त्यांनी स्पष्ट केले. अहवालात विमान झाडांना धडकल्याचे नमूद केले असले तरी, प्रत्यक्ष घटनास्थळी तसे काहीही नव्हते, असा त्यांचा दावा आहे.
पवार यांनी अहवालातील इतर तांत्रिक चुकांकडेही लक्ष वेधले. विमानाच्या प्रकारापासून ते इंजिनच्या लाईफपर्यंत, तसेच बारामती शहराच्या चुकीच्या उल्लेखापर्यंत अनेक विसंगती अहवालात असल्याचे त्यांनी सांगितले. एका व्हीआयपीशी संबंधित गंभीर घटनेच्या अहवालात अशा चुका अक्षम्य असल्याचे त्यांचे म्हणणे आहे. मोठ्या व्यक्तींच्या मदतीने या प्रकरणाची वाचवावाचवी सुरू असल्याचा संशय व्यक्त करत, त्यांनी या प्रकरणाची गुन्हेगारी आणि तांत्रिक दृष्टिकोनातून सखोल चौकशीची मागणी केली आहे.
