विष घेतल्यानंतर त्याची चव कशी असते हे कळेपर्यंतच अनेकांचे मृत्यू झाले आहेत. त्यामुळे विषाची चव नेमकी कशी असते हे आजवर उघड झालेले नाही. विष प्राशन केल्यानंतर त्याची चव लिहीपर्यंत किंवा सांगेपर्यंत अनेकांचा मृत्यू झाला आहे. असाच एक प्रयत्न अल्पवयीन मुलींनी केलेला आहे. या पाच अल्पवयीन मुलींपैकी चार जणींचा मृत्यू झाला आहे. आता नेमकं काय घडलं हे या प्रकरणात वाचलेल्या एका मुलीने सांगितले आहे.
बिहारच्या औरंगाबाद जिल्ह्यातील एक हृदयद्रावक घटना समोर आली आहे. 5 अल्पवयीन मुलींनी विषाची चव चाखण्यासाठी ते खाल्ले, त्यापैकी 5 मुलींचा मृत्यू झाला. यातील एक मुलगी वाचली आणि तिने संपूर्ण सत्य सांगितले, त्यानंतरच खरी कहाणी समोर आली. या घटनेची चर्चा संपूर्ण जिल्ह्यात आणि राज्यात होत आहे. पोलिसांनी मुलीचा जबाब नोंदवले आहे आणि संपूर्ण प्रकरणाची चौकशी सुरू आहे.
नेमकं काय घडलं?
ही घटना 29 जानेवारी रोजी जिल्ह्यातील मोती बिगहा गावात घडली. पाच अल्पवयीन मुली शेतात गेल्या, पण फक्त एकच घरी परतली आणि चार मुलींचा मृत्यू झाला. वाचलेल्या मुलीने याला एक ‘डार्क एक्सपेरिमेंट’ म्हटले. 14 वर्षांच्या मुलीच्या म्हणण्यानुसार, त्या सर्व जणी एका एकांत ठिकाणी गेल्या आणि एक विषारी पदार्थ खाल्ला, जो सामान्यतः बगळे (हरण किंवा बगळे पक्षी) मारण्यासाठी वापरला जातो. तिने सांगितले की, सर्वांनी स्वाद चाखण्यासाठी तो पदार्थ खाल्ला.
5 पैकी 1 मुलगी कशी वाचली?
मुलीने सांगितले की, “माझ्या मैत्रिणीने म्हटले, ‘चल, हे खाऊया आणि पाहूया की आपण जिवंत राहू की मरू’. त्यांनी बगळे मारण्याचे जहर पाण्यासोबत गटांगळ्या घेतल्या. मी खूप कमी घेतले आणि लगेच थुंकून टाकले, म्हणून मी वाचले.” तिने आपल्या चार मैत्रिणींना (वय 12 ते 15 वर्षे दरम्यान) आपल्या समोर पडून मरताना पाहिले. घाबरलेली मुलगी घरी धावली आणि कुटुंबियांना संपूर्ण कहाणी सांगितली. तिच्या कुटुंबियांनी ताबडतोब तिला उलट्या करण्यासाठी कडुलिंबाची पाने पाण्यात मिसळून पाजली आणि तिचा जीव वाचवला.
पोलिस काय म्हणतात?
दाउदनगरचे SDPO अशोक कुमार दास यांनी सांगितले की, आमच्या चौकशीत असे आढळले की, मुलींना सरस्वती पूजेच्या संध्याकाळी काही मुलांबरोबर फिरताना पाहिले गेले होते. आई-वडिल त्यांना ओरडले आणि रागाच्या भरात ५ मैत्रिणींनी एकत्र आत्महत्या करण्याचा निर्णय घेतला. पीडितांपैकी एकाच्या वडिलांनी (जे महाराष्ट्रातून परतलेले स्थलांतरित मजूर होते) पोलिसांच्या या दाव्याला चुकीचे म्हटले आहे. सर्व मुलींचे वय १२ ते १५ वर्षे दरम्यान होते. मृत मुलींच्या नातेवाईकांनी चारही मुलींचे एकाच चितेवर अंत्यसंस्कार केले. पोलिसांनी अल्पवयीन मुलीचा जबाब नोंदवला आहे आणि प्रकरणाच्या प्रत्येक पैलूची चौकशी करत आहेत.
