पंतप्रधान नरेंद्र मोदींनी राष्ट्रीय लोकशाही आघाडीच्या (NDA) खासदारांची सभागृहातील अनुपस्थितीवरून कानउघडणी केली आहे. खासदारांनी चहा पिण्यासाठी कॅन्टीनमध्ये बसण्याऐवजी सभागृहात उपस्थित राहावे, असा स्पष्ट संदेश मोदींनी दिला. सभागृहात नियमित उपस्थित राहणाऱ्या खासदारांचे उदाहरण देत, मोदींनी निशिकांत दुबे यांच्याकडून शिकण्याचा सल्ला दिला.
पंतप्रधानांनी खासदारांना उद्देशून तुम्हाला मिळालेल्या संधीचं सोनं करा असे म्हटले. सभागृहात न बसणाऱ्या खासदारांना त्यांनी या माध्यमातून मिळालेल्या जबाबदारीची आठवण करून दिली. ही कानउघडणी खासदारांनी संसदीय कामकाजात गांभीर्याने सहभागी व्हावे आणि जनतेने दिलेल्या संधीचा योग्य उपयोग करावा यासाठी करण्यात आली आहे, असे सूत्रांनी सांगितले.
