जर तुम्ही 20 मार्च नंतर नवीन OPPO किंवा OnePlus फोन खरेदी करण्याचा विचार करत असाल तर तुमच्यासाठी एक मोठी बातमी आहे. दोन्ही कंपन्यांनी जॉइंट स्टेटमेंट जारी करून घोषणा केली आहे की 16 मार्चपासून स्मार्टफोन अधिक महाग होतील. फोनच्या सततच्या पुरवठ्याच्या कमतरतेमुळे तसेच कंपोनेटच्या किमती वाढल्यामुळे भारतासह सर्व बाजारपेठांमध्ये हा किमतीतील बदल लागू होईल.
सुरुवातीत मोबाईल फोनच्या किमतीत वाढ होताच यांचा प्रामुख्याने OPPO च्या K Series आणि A Series लाइनअपमधील बजेट डिव्हाइसेसवर तसेच निवडक OnePlus स्मार्टफोनवर परिणाम होणार आहे. दरम्यान OPPO ची फ्लॅगशिप फाइंड सिरीज, रेनो सिरीज आणि OPPO पॅड लाइनअप त्यांच्या सध्याच्या किमतीत विकले जातील.
किंमती इतक्या वाढू शकतात
91 मोबाईल्सच्या अहवालानुसार दोन्ही कंपन्या त्यांच्या स्मार्टफोनच्या प्रत्यक्ष किमतीत वाढ करण्याबाबत सध्या मौन बाळगून आहेत. बाजारातील ट्रेंडनुसार ही वाढ सुमारे 15 ते 20 टक्के असू शकते. याचा अर्थ असा की 47 हजार 999 रुपयांच्या किमतीत लाँच झालेला वनप्लस 15आर आता 50 हजार रुपयांचा टप्पा ओलांडू शकतो, जो मागील मॉडेलपेक्षा सुमारे 6 टक्के जास्त आहे. अलिकडच्या लीकवरून असे दिसून आले आहे की फोनची सुरुवातीची किंमत 51 हजार 999 रुपये असू शकते.
OnePlus 15 आणि OnePlus Nord 5 सिरीजसह इतर विद्यमान स्मार्टफोनच्या किमतीही वाढण्याची अपेक्षा आहे. Oppo बद्दल बोलायचे झाले तर, Oppo K14x, K13 सिरीज, K12x, A6 सिरीज आणि A5 सिरीज या स्मार्टफोनच्या किमती वाढण्याची अपेक्षा आहे. तुम्ही जर या कंपनीचे स्मार्टफोन घेण्याचा विचारात असाल तर ते उशिरा खरेदी करण्यापेक्षा आत्ताच खरेदी करणे चांगले.
केवळ OPPO आणि OnePlusच नाही तर इतर मोबाईल फोन उत्पादक कंपन्या देखील वाढत्या घटकांच्या किमतींशी झुंजत आहेत आणि अखेरीस हा भार ग्राहकांवर टाकू शकतात. सॅमसंग आणि रियलमीने भारतात त्यांच्या काही स्मार्टफोन्सच्या निवडक मॉडेल्सच्या किमती आधीच वाढवल्या आहेत, तर Vivo आणि iQOO लवकरच असेच करण्याची अपेक्षा आहे.
