2025 मध्ये अनेक मोठे चित्रपट बॉक्स ऑफिसवर प्रदर्शित झाले. यामधील काही चित्रपटांनी रेकॉर्ड बनवला पण काही चित्रपटांना अपेक्षित प्रतिसाद मिळाला नाही.
अशाच चित्रपटांपैकी एक म्हणजे 'देवा'. बॉक्स ऑफिसवर फारशी कमाई न करता हा चित्रपट फ्लॉप ठरला असला तरी ओटीटीवर मात्र तो चांगलाच लोकप्रिय ठरला.
देवा हा अॅक्शन-थ्रिलर प्रकारातील चित्रपट होता. सुमारे 2 तास 36 मिनिटांचा हा चित्रपट अंदाजे 50 कोटी रुपये बजेटमध्ये तयार करण्यात आला होता.
मात्र, बॉक्स ऑफिसवर या चित्रपटाला अपेक्षित प्रेक्षक मिळाले नाहीत. सॅकनिल्कच्या आकडेवारीनुसार, या चित्रपटाने भारतात सुमारे 33.9 कोटी रुपये इतकी कमाई झाली.
बॉक्स ऑफिसवर अपेक्षित यश न मिळाल्यानंतर देवा हा चित्रपट Netflix वर प्रदर्शित करण्यात आला. आश्चर्याची गोष्ट म्हणजे ओटीटीवर रिलीज झाल्यानंतर या चित्रपटाला मोठ्या प्रमाणात प्रेक्षकवर्ग मिळाला.
