Gunaratan Sadavarte on Raj Thackeray : राज ठाकरे (Raj Thackeray) हा राजकारणातील नापास माणूस आहेत असं म्हणत अॅड. गुणरत्न सदावर्ते (Gunaratan Sadavarte) यांनी राज ठाकरेंना डिवचलं आहे. परिक्षेत बढती पास करण्यासाठी 30 मार्कावर पाच मार्क देऊन पास केलं जातं, तसं दोघांचं आहे. अजित पवार यांच्या राजकीय वजनाच्या पायाच्या धुळीप्रमाणे राज ठाकरे आहेत. किती वेळा अजित पवार (Ajit Pawar) उपमुख्यमंत्री राहिले आहेत, तर राज ठाकरे काय आहेत? असा सवाल त्यांनी केला. तसेच मिमिक्री करुन मतं मिळत नाहीत असे म्हणत सदावर्तेंनी राज ठाकरेंवर टीका केली.
एकनाथ शिंदे आणि आमचा एकच डीएनए
एकनाथ शिंदे आणि आमचा एकच डीएनए आहे. पंडीत नथुराम गोडसे यांच्या विचारांसाठी आनंद दिघे कोर्टात लढले होते असे गुणरत्न सदावर्ते म्हणाले. म्हणून आनंद दिघे, एकनाथ शिंदे आणि आमचा डीएनए एकच आहे असे सदावर्ते म्हणाले. पंडीत नथुराम गोडसे यांच्या विचारांसाठी आनंद दिघे लढले होते, म्हणून आनंद दिघे यांच्या विचारांचे एकनाथ शिंदे आणि मी आहे असे सदावर्ते म्हणाले.
राज ठाकरेंनी केली होती उपमुख्यमंत्री अजित पवार यांची मिमिक्री
दिवाळीनंतर राज्यात स्थानिक स्वराज्य संस्थांच्या निवडणुकांचे फटाके फुटणार आहेत. मात्र, तत्पूर्वी विरोधी पक्षातील प्रमुख नेत्यांनी निवडणूक आयोगाकडे जाऊन मतदार यादीतील घोळाबाबत अनेक तक्रारी केल्या आहेत. त्यावेळी, मनसेप्रमुख राज ठाकरे (Raj Thackeray) यांनी आयोगाला कडक प्रश्न विचारले. तर, उपमुख्यमंत्री अजित पवार यांची मिमिक्री करत त्यांना टोलाही लगावला. दरम्यान, आता अॅड. गुणरत्न सदावर्ते (Gunratna sadavarte) यांनी राज ठाकरेंच्या मिमिक्रीवरुन त्यांच्यावर टीका केलीय. तसेच, सदावर्ते यांनी पुन्हा एकदा वादग्रस्त वक्तव्य केलं असून थेट नथुराम गोडसे यांच्या विचारांशी आपला डीएनए असल्याचं म्हटलं आहे. गेल्या काही दिवसांपासून गुणरत्न सदावर्ते हे राज ठाकरे यांच्यावर टीका करताना दिसून येत आहेत.
गुणरत्न सदावर्तेंच्या टीकेला महाराष्ट्र नवनिर्माण सेना काय उत्तर देणार?
दरम्यान, आता गुणरत्न सदावर्ते यांनी केलेल्या वक्तव्यावरुन वादंग निर्माण होण्याची शक्यता आहे. कारण एका बाजूला त्यांनी पंडीत नथुराम गोडसे यांच्या विचारांसाठी आनंद दिघे कोर्टात लढले होते असे म्हटलं. म्हणून आनंद दिघे, एकनाथ शिंदे आणि आमचा डीएनए एकच आहे. तर दुसऱ्या बाजूला राज ठाकरे हे अजितपवारांच्या पायाची धूळ असल्याचे सदावर्ते म्हणालेत. त्यामुळं राज ठाकरे यांच्यावर केलेल्या टीकेला महाराष्ट्र नवनिर्माण सेना नेमकं काय उत्तर देणार हे पाहणं देखील महत्वाचं ठरणार आहे.
महत्वाच्या बातम्या:
”पंडीत नथुराम गोडसेंच्या विचारांसाठी आनंद दिघे कोर्टात लढले, म्हणून एकनाथ शिंदेंसह आमचा डीएनए एकच”
आणखी वाचा
