कुटुंब, क्राइम आणि माइंड गेमचं परफेक्ट समीकरण.. प्रत्येक सीनमध्ये चकीत करणारा ट्विस्ट आणि सस्पेन्सचा भरणा असलेली दमदार कथा. जर तुम्ही सिनेप्रेमी असाल आणि त्यातही जर तुम्हाला सस्पेन्स थ्रिलर सर्वाधिक आवडत असतील तर हा चित्रपट तुम्हाला नक्कीच थक्क करेल. 2 तास 19 मिनिटांचा हा चित्रपट तुम्हाला शेवटपर्यंत खिळवून ठेवतो. यातल्या प्रत्येक सीनमध्ये भीती, राग आणि न्यायाची मागणी इतकी तीव्र आहे की प्रेक्षकांना ही कथा त्यांच्याच आयुष्यातला एक भाग वाटू लागते. निष्पाप लहान मुलांच्या अचानक गायब होण्यापासून या चित्रपटाची कथा सुरू होते. पुढे यात अशा एका खलनायकाचा उलगडा होतो, ज्याची क्रूरता अंगावर अक्षरश: काटा आणते.
