‘बिग बॉस मराठी 6’ धमाका करताना दिसत आहे. विशेष म्हणजे चाहत्यांमध्ये मोठी क्रेझ या सीजनबद्दल बघायला मिळतंय. एका मागून एक धमाके घरात होत आहेत. राखी सावंत ही देखील बिग बॉस मराठी सीजन 6 मध्ये पोहोचली. राखी सावंत बिग बॉसच्या घरात दाखल होताच घरातील स्पर्धकांची चांगली झोप उडाल्याचे बघायला मिळतंय. राखी सावंत तिच्या नव्या रंगात आली. बिग बॉसच्या घरात जाऊन काही दिवस होत नाहीत, तोवरच राखी सावंत हिचे घरातील सदस्यांसोबत वाद टोकाला गेल्याचे बघायला मिळत आहे. ज्या ज्या वेळी बिग बॉस टीआरपीमध्ये मागे पडते किंवा त्याच त्याच गोष्टी बिग बॉसमध्ये होत असतील अशावेळी बिग बॉसचे निर्माते राखी सावंत हिला बिग बॉसच्या घरात आणतात आणि संपूर्ण गेमच राखी सावंत बदलून टाकते. आताही बिग बॉसच्या घरात तेच करताना राखी सावंत दिसत आहे.
राखी सावंत हिची बिग बॉसच्या घरातील प्रेक्षकांसोबत कडाक्याची भांडणे झाली. हेच नाही तर बिग बॉसच्या घराची अवस्था अत्यंत वाईट झाली. रागाच्या भरात राखी सावंत हिने चक्क बेडवर कचरा टाकला शिवाय किचनमध्येही मोठा गोंधळ घातला. यादरम्यान आता राखीने केलेल्या या कामाविरोधात बिग बॉस चांगलेच संतापल्याचे बघायला मिळत आहे. राखी सावंत बिग बॉसची माफी मागतानाही दिसत आहे.
नुकताच एक प्रोमो प्रचंड व्हायरल होत आहे. या प्रोमोमध्ये राखी सावंत हिला दोन लोक ओढून घराच्या बाहेर नेताना दिसत आहेत. बिग बॉस म्हणतात की, राखी मी नाराज आहे.. यावर राखी सॉरी म्हणताना दिसत आहे. यावर बिग बॉस म्हणतात की, बिग बॉस वाट लावणार. राखी कन्फेक्शन रूममध्ये या… या घराची जी अवस्था आहे, त्यामुळे आपल्यावर अॅक्शन घेण्याचे ठरवले आहे.
राखी सावंत म्हणते की, बिग बॉस मी काय केले? यावेळी बिग बॉस म्हणतात की, टीम राखी यांना बाहेर काढा… यावर राखी म्हणते की, बिग बॉस मला या घरात राहायचे आहे… राखी जात नाही पण दोन जण राखीचा हात पकडून तिला बाहेर काढताना प्रोमोमध्ये स्पष्ट दिसत आहे. प्रोमो प्रचंड व्हायरल होत असून खरोखरच राखी सावंत घराबाहेर जाणार का? हे पाहण्यासारखे ठरणार आहे.
