पाकिस्तानच्या साहिबजादा फरहानने केली नामिबियन गोलंदाजांची धुलाई, 57 चेंडूत ठोकलं शतकImage Credit source: PTI
टी20 वर्ल्डकप स्पर्धेच्या करो या मरो सामन्यात पाकिस्तान आणि नामिबिया हे संघ आमनेसामने आले आहेत. तसं पाहिलं तर नामिबियाचं या स्पर्धेतील आव्हान संपुष्टात आलं आहे. पण या सामन्याकडे अमेरिकेचं लक्ष लागून आहे. कारण हा सामना पाकिस्तानने गमावला तर अमेरिकेला सुपर 8 फेरीत स्थान मिळेल. पाकिस्तानने नाणेफेकीचा कौल जिंकला आणि प्रथम फलंदाजी स्वीकारली. या सामन्याचं महत्व ओळखून पाकिस्तानच्या आघाडीच्या फलंदाजांनी सावध सुरूवात केली. पण त्यानंतर धावांची गती वाढवली. 40 धावा असताना सईम आयुबच्या रुपाने पहिला धक्का बसला. पण असं असतानाही साहीबजादा फरहानने फटकेबाजी सुरूच ठेवली. त्याने अवघ्या 57 चेंडूत नाबाद 100 धावांची खेळी केली. टी20 वर्ल्डकप 2026 स्पर्धेतील तिसरं शतकं आहे. तर पाकिस्तानकडून टी20 वर्ल्डकप स्पर्धेत ठोकलेलं हे दुसरं शतक आहे
टी20 वर्ल्डकप 2014 स्पर्धेत पाकिस्तानकडून अहमद शेहजादने बांगलादेशविरुद्ध नाबाद 111 धावांची खेळी केली होती. त्यानंतर आता साहिबजादा फरहानने नाबाद 100 धावा केल्या आहेत. साहिबजादाने 58 चेंडूत नाबाद 100 धावा केल्या. यात 11 चौकार आणि 4 षटकार मारले. त्याचा स्ट्राईक रेट हा 172.41 चा होता. टी20 क्रिकेटमध्ये साहिबजादाचं हे पहिलं शतक आहे. यापूर्वी त्याने नाबाद 80 धावांची खेळी केली होती. साहिबजादा फरहानच्या शतकी खेळीच्या जोरावर पाकिस्तानने 199 धावांपर्यंत मजल मारली आणि विजयासाठी 200 धावांचं आव्हान दिलं. पहिल्या विकेटसाठी त्याने सईम आयुबसोबत 40, दुसऱ्या विकेटसाठी सलमान आगासोबत 67, तिसऱ्या विकेटसाठी ख्वाजा नाफायसोबत 11, तर चौथ्या विकेटसाटी शादाब खानसोबत 40 चेंडूत नाबाद 81 धावा केल्या.
साहिबजादाने शतकी खेळीसह साहिबजादाने इशान किशनला मागे टाकलं आहे. त्याने शतकी खेळी करताना 4 षटकार मारताच इशान किशन आणि शिमरोन हेटमायर यांना मागे टाकलं आहे. साहिबजादा फरहान या स्पर्धेत सर्वाधिक षटकार ठोकणारा फलंदाज ठरला आहे. त्याने चार सामन्यात 11 षचटकार मारले आहे. तर इशान किशन आणि शिमरोन हेटमायरच्या नावावर प्रत्येकी 10 षटकार आहेत. पण या दोघांनी आतापर्यंत तीन सामने खेळले आहेत.
