सलमान खान- सलीम खानImage Credit source: social media
हिंदी चित्रपटसृष्टीतील ज्येष्ठ लेखक, अभिनेता सलमान खान (Salman Khan) याचे वडील सलीम खान (Salim Khan) हे सध्या मुंबईतील लीलावती रुग्णालयात दाखल आहेत. वडिलांच्या प्रकृतीमुळे सलमानसह संपूर्ण कुटुंब चिंतेत आहे. 17 फेब्रुवारी रोजी सलीम खान यांना हाय ब्लड प्रेशर आणि ब्रेन हॅमरेजमुळे रुग्णालयात दाखल करण्यात आले, सध्या ते आयसीयूमध्ये आहेत. त्यांची प्रकृती आता स्थिर असल्याचे सांगितलं जात आहे. मात्र याच दरम्यान, सलमान खान मात्र नाराज असल्याची बातमी समोर आली आहे. वडील, सलीम खान यांच्या प्रकृतीची माहिती तसेच मेडिकल डिटेल्स मीडियाला दिल्यामुळे सलमान भडकला. प्रायव्हसीची मागणी करत भविष्यात कोणतेही अपडेट शेअर करू नयेत असे कडक निर्देश सलमानने रुग्णालय प्रशासनाला दिले आहेत. वडिलांची प्रकृती, त्यांचे आरोगय याबद्दलची माहिती, हा एका खासगी मुद्दा असून, त्याबद्दल माहिती सार्वजनिक करायची की नाही हा निर्णय फक्त कुटुंबातील सदस्यांनीच घ्यावा अशी खान कुटुंबाची इच्छा असल्याचं समजतं.
डॉक्टरांनी काय दिली माहिती ?
या आठवड्याच्या सुरूवातील सलीम खान यांना लीलावती हॉस्पिलमध्ये दाखल करण्यात आलं. त्यानंतर बुधवारी रुग्णालयाचे डॉक्टर, जजलील पारकर यांनी माध्यमांसमोर येऊन सलीम खान यांच्या प्रकृतीची संपूर्ण माहिती दिली, तेव्हा हा वाद सुरू झाला. 89 वर्षांचे सलीम खान यांना मेंदूत किरकोळ रक्तस्त्राव झाला होता आणि रक्तदाब वाढल्यामुळे त्यांना व्हेंटिलेटर सपोर्टवर ठेवावे लागले होते असे डॉक्टरांनी सांगितलं होतं. मात्र ही एक सामान्य प्रक्रिया असल्याचे वर्णन डॉ्कटरांनी केलं आणि वयामुळे (त्यांना) बरं होण्यास वेळ लागेल असंही डॉक्टरांनी नमूद केलं.
नेमकं झालं तरी काय ?
पण डॉक्टरांनी सलीम खान यांच्या प्रकृतीची माहिती जाहीर केल्याने सलमान खान नाराज झाला. वैद्यकीय माहिती गुप्त ठेवली पाहिजे असं कुटुंबियांचं म्हणणं असल्याचं जवळच्या लोकांनी सांगितलं. त्यानंतर सलमानने हॉस्पिटलच्या प्रशासनाला स्पष्ट निर्देश दिले आहेत. जर(सलीम खान यांच्या प्रकृतीबद्दल) आणखी काही अपडेट्स द्यायचे असतील तर ते रुग्णालय नव्हे, तर कुटुंबीय हे, त्यांच्या चाहत्यांसह शेअर करेल, असं त्याने नमूद केलं.
सलमान खान आणि त्याच्या कुटुंबाने लीलावती रुग्णालय प्रशासनाकडे एक विशेष विनंती केली आहे. “सलीम खान यांच्या प्रकृतीबाबत कोणतेही मेडिकल अपडेट्स परस्पर मीडियाला देऊ नका. प्रकृतीशी संबंधित माहिती ही गोपनीय असते. चाहत्यांना काळजी वाटणं स्वाभाविक असलं तरी, या प्रकरणातील कोणतीही अधिकृत माहिती केवळ कुटुंबाकडूनच दिली जाईल” असं कुटुंबियांकडून सांगण्यात आलं आहे.
सलीम खान यांच्या प्रकृतीसाठी प्रार्थना सुरूच आहेत, परंतु सलमानच्या “नाराजी” नंतर, रुग्णालयाकडून अधिकृत बुलेटिन येण्याची फारशी आशा नाही. या कठीण काळात शांती मिळावी आणि कोणत्याही अफवांशिवाय सलीम खान यांची काळजी घेता यावी अशी कुटुंबाची इच्छा आहे.
