America, Israel Iran WarImage Credit source: टीव्ही 9 मराठी
अमेरिका, इस्त्रायल आणि इराणमध्ये भीषण युद्ध सुरू आहे. आज या युद्धाचा 12 वा दिवस आहे. या युद्धामध्ये अमेरिका आणि इस्त्रालयकडून सुरू असलेल्या हल्ल्यांमध्ये इराणचं प्रचंड नुकसान झालं आहे. मात्र दुसरीकडे इराणने देखील आपला लढा सुरूच ठेवला आहे. इराणकडून सातत्याने अमेरिकनं सैन्य तळांना लक्ष्य केलं जात आहे. इस्त्रायलवर देखील मोठे मिसाईल हल्ले करण्यात आले आहेत. त्यामुळे या युद्धात अमेरिका आणि इस्त्रायलचं देखील नुकसान झालं आहे. अमेरिका, इस्त्रालय आणि इराणमध्ये सुरू असलेल्या या युद्धाचा फटका हा केवळ या तीन देशांनाच बसला नाही, तर जगभरातील अनेक देशांना या युद्धाची प्रत्यक्ष, अप्रत्यक्ष झळ बसली आहे. मध्य पूर्वेत मोठा तणाव निर्माण झाला असून, याचा परिणाम म्हणजे अनेक देशांमध्ये सध्या प्रचंड प्रामाणत इंधन तुटवडा जाणवत आहे. जर हे युद्ध आणखी काही दिवस असंच चाललं तर जगाला भीषण इंधन टंचाईचा सामना करावा लागण्याची शक्यता आहे.
दरम्यान हे युद्ध सुरू असतानाच इराणने मोठा निर्णय घेतला होता. इराणने अमेरिका, युरोपीयन देश आणि अमेरिकेला सहकार्य करणाऱ्या देशांसाठी होर्मुरजची सामुद्रधुनी बंद केली आहे. जर या देशांनी या मार्गाने तेल वाहतूक केली तर आम्ही तेल जहाजांवर मिसाईल हल्ले करू असा इशाराच इराणकडून देण्यात आला आहे. सर्व जगासाठी स्ट्रेट ऑफ मोर्मुरज हा महत्त्वाचा मार्ग आहे, कारण जगाला जेवढ्या कच्च्या तेलाची गरज आहे, त्यातील जवळपास 25 टक्के कच्च्या तेलाची वाहतूक या मार्गाने होते. दरम्यान इराणने काही देशांसाठी हा मार्ग बंद केला आहे, तर काही देश हे हल्ल्यांच्या भीतीनं या मार्गानं वाहतूक टाळत आहेत, त्यामुळे इंधन टंचाई निर्माण झाली आहे.
दरम्यान हे सगळं सुरू असातनाच आता इराणने एक अत्यंत मोठा निर्णय घेतला आहे. तो म्हणजे आता इराण सुएझ कालवा बंद करण्याच्या तयारीमध्ये आहे. जर सुएझ कालवा वाहतुकीसाठी बंद झाला तर हा युरोपीयन राष्ट्रांसाठी सर्वात मोठा फटका असणार आहे. जुएझ कालवा हा युरोप आणि मध्य पूर्वेमधील देशांसाठी लाईफ -लाईन मानला जातो. दरम्यान इराने आता हा कालवा बंद करण्यासाठी आपले हुती बंडखोर सक्रिय केले आहेत.सुएझ कालवा हा लाल समुद्राच्या मार्गेच जातो, आणि लाल समुद्रावर सध्या हुती बंडखोरांची चांगली पकड आहे. त्यामुळे इराणच्या सांगण्यावरून आता हा रस्ता बंद करण्यासाठी हुती समर्थक कोणत्याही क्षणी या मार्गावर मिसाईल हल्ला करण्याची शक्यता आहे. दरम्यान हा मार्ग जर वाहतुकीसाठी बंद झाला तर संपूर्ण युरोपमधील निर्यात बंद होण्याची शक्यता आहे, अशा परिस्थितीमध्ये युद्ध बंद करण्यासाठी आता अमेरिकेवर दबाव वाढवू शकतो. कींवा जर युद्ध बंद झालं नाही तर युद्धाचं महाभयंकर रूप जगाला पहायला मिळू शकतं.
