इराण आणि अमेरिका युद्धामुळे जग संकटात आहे. अमेरिका आणि इस्त्रायलने मिळून इराणवर हल्ला केला, त्यावेळी कोणालाही वाटले नव्हते की, या युद्धाचा थेट आपल्यालाही फटका बसेल. आता हे युद्ध आपल्या घरापर्यंत आले असून एलपीजी गॅसचा मोठा तुटवडा निर्माण झाला. युद्ध लवकरात लवकर थांबवावे, अशी मागणी केली जात आहे. आखाती देश या युद्धामुळे संकटात आहेत. थेट दुबई विमानतळाला टार्गेट करून मोठे हल्ले करण्यात आली. जागतिक बाजारात तेलाच्या किमती वाढत आहेत. इराणकडून स्पष्ट करण्यात आले की, तेलाच्या प्रति बॅरलची किमत 200 डॉलरच्या पुढे जाणार. जागतिक बाजारात तेलाच्या किमती स्थिर ठेवण्याकरिता रशियाकडून तेल खरेदी करण्याचे आवाहन अमेरिकेकडून करण्यात आले. अगोदरच त्याच रशियाकडून तेल खरेदी करणाऱ्या देशांवर टॅरिफ अमेरिका लादत होती. इराणकडून होर्मुज मार्ग बंद करण्यात आल्याने अनेक देशात गॅस आणि तेलाचा मोठा तुटवडा निर्माण झाला.
होर्मुज खाडी इराणकडून बंद करण्यात आल्याने अमेरिकेने मास्टर प्लॅन तयार करत अनेक देशांना आपल्या युद्धनाैका होर्मुज खाडीत आणण्यास सांगितल्या. होर्मुज मार्ग सुरक्षित करण्याचे अमेरिकेने ठरवले. मात्र, एकही देश अमेरिकेच्या मदतीला पुढे आला नाही. तिथेच डोनाल्ड ट्रम्प यांना मोठा झटका बसला. एकही देश अमेरिकेच्या मदतीला पुढे आला नाही.
इराण कोणत्याही परिस्थितीमध्ये या युद्धात हार मानत नसल्याचे लक्षात आल्यानंतर इस्त्रायल अधिक आक्रमक होताना दिसत आहे. त्यामध्येच इस्त्रायलकडून अत्यंत मोठी धमकी देण्यात आली. इस्त्रायलकडून सांगण्यात आले की, इराणचे सर्वाेच्च नेते मोजतबा खामेनेई यांना शोधून ठार करू. या धमकीने मोठी खळबळ उडाली. आयातुल्ला खामेनेई यांना हल्ल्यात ठार केल्यानंतर त्यांचा मुलगा मोजतबा खामेनेई याने इराणचे सर्वाेच्च नेतेपदाची जबाबदारी आपल्या खांद्यावर घेतली.
मोजतबा खामेनेई यांच्या तब्येतीबद्दल विविध चर्चा गेल्या काही दिवसांपासून सुरू आहेत. हेच नाही तर अमेरिकेने केलेल्या हल्ल्यात मोजतबा खामेनेई गंभीर जखमी झाल्याचे सांगितले जाते. हेच नाही तर मध्यंतरी चर्चा होती की, मोजतबा खामेनेई इराणमध्ये नसून त्यांच्यावर रशियामध्ये उपचार सुरू आहेत. त्यामध्येच आता इराणकडून मोजतबा खामेनेई यांना शोधून ठार करू अशी थेट धमकी देण्यात आली.
