भारतीय घरांमध्ये भात हा रोजच्या जेवणात भात हवाच असतो. भाता शिवाय जेवण अपूर्ण वाटतं… पण जास्त शिजलेला भात चिकट, लगदा होतो किंवा त्याचे तुकडे होतात, ज्यामुळे जेवणाची मजा कमी होते. यामुळे प्रश्न पडतो की, भात चिकट का होतो? मात्र, काही लोकांचा भात प्रेशर कुकरमध्ये शिजवूनही चिकट राहतो. म्हणून, आज आम्ही तुम्हाला प्रेशर कुकरमध्ये हॉटेलसारखा मोकळा आणि फुललेला भात कसा बनवायचा हे सांगणार आहोत. यासाठी 6 महत्त्वाच्या टिप्स तुम्ही फॉलो करा…
योग्य तांदूळ निवडा
सर्वप्रथम, योग्य तांदूळ निवडणे खूप महत्त्वाचे आहे. रोजच्या स्वयंपाकासाठी मध्यम किंवा लांब दाण्याचा तांदूळ सर्वोत्तम असतो. जर तुम्ही बासमती तांदूळ बनवत असाल, तर जुना बासमती तांदूळ निवडा. याचे कारण असे की, त्यात स्टार्च कमी असतो आणि शिजल्यानंतर त्याचे दाणे मोकळे व फुललेले राहतात.
शिजवण्यापूर्वी नीट धुवा
शिजवण्यापूर्वी तांदूळ २-३ वेळा पूर्णपणे धुणे खूप महत्त्वाचे आहे. यामुळे तांदळातील अतिरिक्त स्टार्च निघून जातो आणि तो चिकट होण्यापासून वाचतो. पाणी स्वच्छ होईपर्यंत तांदूळ धुवा.
शिजवण्यापूर्वी तांदूळ थोडा वेळ भिजवून ठेवा
तुमच्याकडे वेळ असल्यास, तांदूळ शिजवण्यापूर्वी १५-२० मिनिटे भिजवून ठेवा. यामुळे भात एकसारखा शिजण्यास मदत होते आणि त्याचे दाणे तुटत नाहीत. ही पद्धत विशेषतः बासमती तांदळासाठी फायदेशीर आहे.
योग्य पाणी-भात प्रमाण
प्रेशर कुकरमध्ये भात शिजवताना, पाण्याचे प्रमाण योग्य असणे खूप महत्त्वाचे आहे. साध्या भातासाठी, दुप्पट पाणी घालावे (उदा. १ कप भातासाठी २ कप पाणी). बासमती भातासाठी, प्रति कप भाताला १.५ ते १.७५ कप पाणी पुरेसे असते. जास्त पाणी घातल्यास भात जास्त शिजू शकतो, तर खूप कमी पाणी वापरल्यास भात कच्चा राहू शकतो.
प्रेशर कुकरमध्ये भात घालण्याची योग्य पद्धत
सर्वप्रथम धुतलेले तांदूळ प्रेशर कुकरमध्ये घाला आणि नंतर त्यात योग्य प्रमाणात पाणी घाला. हवे असल्यास, थोडे तेल किंवा अर्धा चमचा तूप घाला. यामुळे भात चिकटत नाही आणि त्याची चव सुधारते. लिंबाच्या रसाचे काही थेंब टाकल्याने भाताचे दाणे मोकळे होतात आणि ते फुलतात.
प्रेशर कुकरच्या शिट्टीकडे लक्ष ठेवा
साधारण भातासाठी १-२ शिट्ट्या पुरेशा असतात, तर बासमती तांदूळ सहसा एकाच शिट्टीत शिजतो. शिट्टी झाल्यावर गॅसची ज्योत बंद करा आणि प्रेशर कुकरला थंड होऊ द्या.
भात लगेच ढवळू नका
कुकर उघडल्यानंतर लगेच भात ढवळू नका. त्याला ५ मिनिटे तसेच राहू द्या. त्यानंतर, चमच्याने हळुवारपणे ढवळा. यामुळे भाताचे दाणे तुटणार नाहीत आणि भात छान मोकळा व फुललेला होईल.
