आज चैत्र शुद्ध पौर्णिमेला दख्खनचा राजा ज्योतिबा यांचा मुख्य दिनोत्सव साजरा केला जात आहे. या निमित्ताने केदारलिंगमध्ये ज्योतिबाची सालंकी पूजा पारंपरिक पद्धतीने करण्यात आली आहे. या दिवशी ज्योतिबाला शाही पोशाख आणि अलंकार परिधान करून सजवण्यात आले आहे. यात्रेच्या निमित्ताने विविध धार्मिक विधी सकाळपासून सुरू झाले आहेत. पहाटे 5 ते 6 या वेळेत शासकीय अभिषेक करण्यात आला, तर 7 ते 8 या वेळेत देवाची सरदारी पूजा पार पडली. साडे 10 ते 12 या वेळेत देवाची धूप आरती पार पडली. एक नंतर देवाच्या सासन गाठीच्या क्रमांकांची पूजा शासकीय कर्मचाऱ्यांच्या हस्ते पार पडली आणि त्या क्रमांकाला प्रारंभ देण्यात आला. संध्याकाळी 5 वाजता पालखी सोहळा सुरू होणार आहे, तर साडेपाच वाजता तोफेची सलामी देण्यात येईल. पालखी सोहळा 5 वाजून 34 मिनिटांनी एमआयकडे प्रस्थान केला जाईल. यात्रेत भक्तांचा उत्साह शिगेला पोहचला असून, मंदिराच्या कळसावर गुलाल आणि खोबऱ्याची उधळण करण्यात येत आहे. तसेच, भक्तांना चांगभलं गजराचा अनुभव मंदिराच्या आवारात अनुभवायला मिळत आहे. ही पारंपरिक यात्रा आणि धार्मिक विधी दख्खनच्या राजा ज्योतिबा यांच्या भक्तांसाठी आनंदाची अनुभूती ठरत आहेत.
