आज अक्षय तृतीया म्हणजेच साडे तीन शुभ मुहुर्तापैकी एक शुभ मुहुर्त आहे. आज सोनं खरेदी करणं खूप शुभ मानलं जातं. इतकेच नाही तर या दिवशी भाविक मंदिरात जातात तसेच भगवंताचे आशिर्वाद घेतात. आजच्या अक्षय तृतीयाचं औचित्य साधत भाविक सकाळपासूनच सिद्धिविनायक मंदिरात बाप्पाच्या चरणी नतमस्तक होताना पाहायला मिळत आहेत.
मुंबईमधील दादरयेथील सिध्दिविनायक मंदिरात भाविकांची बाप्पााच्या दर्शनासाठी नेहमीच गर्दी पाहायला मिळते. मात्र सणासुदीला मंदिरांमध्ये भाविकांची संख्या प्रचंड वाढते. अनेक सेलिब्रिटीदेखील येथे आवर्जून हजेरी लावताना दिसतात. महत्त्वाची बाब म्हणजे आज अनेक भाविक आज बाप्पाला सोनं अर्पण करतात. त्यामुळे बाप्पााच्या आभूषणांचा लिलाव श्री सिद्धिविनायक गणपती मंदिर ट्रस्टने आज म्हणजेच रविवार 19 एप्रिल रोजी आयोजित करण्यात आला आहे. भक्तांनी दान केलेल्या सोन्याच्या दागिन्यांचा आणि वस्तूंचा सार्वजनिक लिलाव करणार असल्याची घोषणा ट्रस्टच्या सदस्यांकडून करण्यात आली आहे.
