पुण्यामधील भोर येथे घडलेल्या एका धक्कादायक प्रकरणाने सध्या राज्याची झोप उडवली आहे. चार वर्षांच्या चिमुरडीवर अत्याचार करणाऱ्या 65 वर्षीय नराधमाबाबत रोहित पवारांनी मोठा दावा केला आहे.
रोहित पवार म्हणाले, ‘आरोपीला याआधीही २ प्रकरणांत अटक झाली होती. या आधीही त्याने एका चिमुकल्या मुलीसोबत असलेलं घाणेरडं कृत्य केलं होतं. त्याला आधीच कठोर शिक्षा झाली नाही, मग तिसऱ्यांदा आरोपीची पुन्हा हिंमत झाली असावी.’ रोहित पवारांनी यावेळी पीडित मुलीच्या आईला आर्थिक साहाय्याचीदेखील मागणी केली आहे.
राज्यात गुन्हेगारीच्या घटनांची संख्या दिवसेंदिवस वाढतच आहे, त्यातदेखील महिलांवर, लहान मुलींवरील अत्याचाराच्या घटनांची संख्या खूपच वाढत आहे. ही बाब अत्यंत चिंताजनक असताना पुण्यातून असाच एक लाजिरवाणा प्रकार समोर आला आहे. चार वर्षांच्या चिमुरडीवर नराधमाने अत्याचार केला इतकेच नाही, तर अत्याचारानंतर तिची निर्घृण हत्या केल्याचं उघड झालं आहे. या कुकर्मानंतर आरोपीने मुलीचा मृतदेह शेणाच्या ढिगाऱ्याखाली लपवला.
