FIFA World Cup 2026: ख्रिस्तियानो रोनाल्डोची पोर्तुगाल संघाच्या कर्णधारपदी नियुक्ती, 27 सदस्यीय संघाची घोषणाImage Credit source: TV9 Network/Money9 वरून
फिफा वर्ल्डकप 2026 स्पर्धा 12 जुनपासून सुरू होणार आहे. एकूण 48 संघ मैदानात उतरणार असून प्रत्येकी 4 संघ असलेले 12 गट तयार करण्यात आले आहेत. अंतिम सामना 20 जुलै रोजी होणार आहे. या स्पर्धेसाठी 48 संघांनी तयारी केली असून पोर्तुगालही यात कुठे मागे नाही. पोर्तुगालकडून रॉबर्टो मार्टिनेझ यांनी 27 सदस्यीय संघाची घोषणा केली. ख्रिस्तियानो रोनाल्डो आपल्या विक्रमी सहाव्या फिफा विश्वचषक स्पर्धेत पोर्तुगालचे नेतृत्व करेल. ख्रिस्तियानो रोनाल्डोच्या कारकिर्दीतील शेवटचा वर्ल्डकप असण्याची शक्यता आहे. कारण ख्रिस्तियानो रोनाल्डो आता 41 वर्षांचा आहे. पोर्तुगालचा आतापर्यंतचा सर्वाधिक गोल करणारा खेळाडू रोनाल्डो, अमेरिका, कॅनडा आणि मेक्सिको येथे होणाऱ्या या स्पर्धेत आपल्या पहिल्या विश्वचषक विजेतेपदासाठी प्रयत्नशील असेल.
पोर्तुगालचा दिवंगत स्टार फुटबॉलपटू डियोगो जोटाचा या संघात समावेश करण्यात आला आहे. 28 वर्षीय जोटाचा कार अपघातात मृत्यू झाला होता. दिवंगत डियोगो जोटा याच्या सन्मानार्थ त्याची एक अतिरिक्त सदस्य म्हणून नियुक्ती केली आहे. रिकार्डो वेल्हो याला संघात चौथ्या क्रमांकाचा गोलकीपर म्हणून नियुक्त केले आहे. कारण फिफा अधिकृत संघात जास्तीत जास्त 26खेळाडूंनाच परवानगी देते. पण पोर्तुगालने 27 सदस्यीय संघाची घोषणा केली आहे. तीन नोंदणीकृत गोलकीपरपैकी एकाला दुखापत झाल्यास वेल्हो यांना संघात समाविष्ट केले जाऊ शकते.
पोर्तुगालच्या आक्रमणाचे नेतृत्व करण्याची जबाबदारी सोपवण्यात आली आहे. रोनाल्डो आपला कट्टर प्रतिस्पर्धी लिओनेल मेस्सीसोबतच्या आणखी एका रोमांचक लढतीसाठी सज्ज झाला आहे. या दोघांचा शेवटचा विश्वचषक असू शकतो. पोर्तुगाल संघ क गटात आहे. या गटात डीआर काँगो, उझबेकिस्तान आणि कोलोंबो हे संघ आहेत. त्यानंतर 32 संघ पुढच्या फेरीत खेळतील. राउंड 16 होईल आणि उपांत्यपूर्व फेरीचे सामने पार पडतील.
फिफा विश्वचषक २०२६ साठी पोर्तुगालचा संघ:
गोलरक्षक : डिओगो कोस्टा, जोस सा, रुई सिल्वा; रिकार्डो वेल्हो
बचावपटू : डिओगो डालोट, मॅथ्यूस नुनेस, नेल्सन सेमेडो, जोआओ कॅन्सेलो, नुनो मेंडेस, गोंकालो इनासिओ, रेनाटो वेगा, रुबेन डायस, टॉमस अरौजो
मिडफिल्डर : रुबेन नेव्हस, सॅम्युअल कोस्टा, जोआओ नेव्हस, विटिन्हा, ब्रुनो फर्नांडिस, बर्नार्डो सिल्वा
फॉरवर्ड्स : जोआओ फेलिक्स, फ्रान्सिस्को त्रिंकाओ, फ्रान्सिस्को कॉन्सेकाओ, पेड्रो नेटो, राफेल लिओ, गोंकालो गुएडेस, गोंकालो रामोस, ख्रिस्तियानो रोनाल्डो, डिओगो जोटा
