रियान पराग याच्या नेतृत्वात राजस्थान रॉयल्सने मुंबई इंडियन्सला पराभूत करुन आयपीएल 2026 स्पर्धेत प्लेऑफचं तिकीट मिळवलं आहे. राजस्थान प्लेऑफमध्ये पोहचणारी चौथी आणि शेवटची टीम ठरली आहे. या निमित्ताने प्लेऑफचं वेळापत्रक जाणून घेऊयात. (Photo Credit : Bcci)
प्लेऑफमध्ये क्वालिफायर 1, एलिमिनेटर, क्वालिफायर 2 आणि फायनल असे 4 सामने होतात. प्लेऑफसाठी राजस्थानआधी गुजरात टायटन्स, सनरायझर्स हैदराबाद आणि रॉयल चॅलेंजर्स बंगळुरु पात्र ठरली आहे. (Photo Credit : IPL X Account)
प्लेऑफ फेरीला क्वालिफायर 1 पासून सुरुवात होणार आहे. पॉइंट्स टेबलमध्ये टॉप 2 मध्ये असलेल्या संघात क्वालिफायर 1 सामना खेळवण्यात येतो. या सामन्यात मंगळवारी 26 मे रोजी आरसीबी विरुद्ध गुजरात टायटन्स आमनेसामने असणार आहेत. हा सामना धर्मशालेतील एचपीसीए क्रिकेट स्टेडियममध्ये होणार आहे. (Photo Credit : Bcci and IPL X Account)
त्यानंतर बुधवारी 27 मे रोजी एलिमिनेटर सामन्याचा थरार रंगणार आहे. पॉइंट्स टेबलमध्ये तिसऱ्या आणि चौथ्या स्थानी असणार्या संघांमध्ये हा सामना खेळवण्यात येतो. त्यामुळे या सामन्यात सनरायझर्स हैदराबाद विरुद्ध राजस्थान रॉयल्स अशी लढत पाहायला मिळणार आहे. (Photo Credit : IPL X Account)
त्यानंतर शुक्रवारी 29 मे रोजी क्वालिफायर 2 मॅच होईल. क्वालिफायर 1 मधील पराभूत संघ विरुद्ध एलिमिनेटर विजेता यांच्यात हा सामना होणार आहे. हा सामना मुल्लानपूरमध्ये आयोजित करण्यात आला आहे. (Photo Credit : PTI)
तसेच 31 मे रोजी आयपीएल 2026 स्पर्धेचा विजेता संघ निश्चित होईल. क्वालिफायर 1 मधील विजेता विरुद्ध क्वालिफायर 2 सामन्यातील यशस्वी संघ यांच्यात अंतिम सामन्याचा थरार रंगणार आहे. हा सामना अहमदाबादमधील नरेंद्र मोदी स्टेडियममध्ये खेळवण्यात येणार आहे. (Photo Credit :PTI)
