ऑपरेशन टायगरने उद्धव सेनेला पुन्हा मोठे खिंडार पाडले. याबाबत आता सर्वात मोठी अपडेट समोर आली आहे. अलीकडील माहितीनुसार, 6 खासदारांनी स्वतंत्र गटासाठी लोकसभा अध्यक्षांकडे अर्ज दाखल केला होता. तर फुटीर खासदारांनी ठाकरे गटाचा व्हिप झुगारला. ते पक्षाच्या बैठकीला गैरहजर राहिले अन् बंडखोरी सिद्ध झाल्याच्या चर्चांना उधाण आलं होतं.
मात्र एकीकडे या सर्व घडामोडी घडत असताना दुसरीकडे शिवसेना शिंदे गटाचे नेते रामदास कदम यांनी केलेल्या दाव्यामुळे मोठी खळबळ उडाली आहे. 6 नाही तर 7 खासदारांची स्वाक्षरी असल्याचा दावा कदम यांनी केला आहे. 6 खासदार तर आधीच शिंदेंच्या निवासस्थानी दाखल झाले आहेत, मात्र आता कदम यांच्या या दाव्यामुळे 7 व्या खासदाराबद्दल मोठा सस्पेन्स निर्माण झाला असून, ठाकरेंना आणखी एक धक्का बसणार का? असा प्रश्न उपस्थित होत आहे.
माध्यमांशी संवाद साधताना कदम यांनी मोठं विधान केलं ते, म्हणाले, ठाकरेंच्या बाजूला बसणारेही त्यांना फसवतात. आम्ही आधीच सांगितलंय.
