अलीकडेच मंत्री चंद्रशेखर बावनकुळे यांनी माध्यमांशी संवाद साधला. महसूल विभागातील अधिकारांचे विभाजन करून प्रशासन अधिक गतिमान करण्याचा प्रयत्न असल्याचे महसूल मंत्री चंद्रशेखर बावनकुळे यांनी नागपुरात सांगितले. जिल्हाधिकारी, अतिरिक्त जिल्हाधिकारी, निवासी उपजिल्हाधिकारी आणि उपजिल्हाधिकाऱ्यांच्या जबाबदाऱ्या निश्चित करण्याचा निर्णय 12 वर्षांपूर्वी झाला होता. बदलत्या काळानुसार कामाचे विभाजन करण्यात आल्याचे त्यांनी स्पष्ट केले.
उपमुख्यमंत्री एकनाथ शिंदे यांच्या तब्येतीबाबत बोलताना बावनकुळे म्हणाले की, गेल्या 3 ते 4 दिवसांपासून त्यांची तब्येत ठीक नव्हती, मात्र आता प्रकृती सुधारली असून सोमवार किंवा मंगळवारपासून ते पुन्हा विधिमंडळात सक्रिय दिसतील.
उद्धव ठाकरे यांच्या राम रक्षा पठणावर टीका करताना बावनकुळे म्हणाले की, रामाचे नाव घेऊन आता राजकीय फायदा होणार नाही. मात्र ‘हिंदुत्वाचे विचार थोडे दिवस तरी टिकवून ठेवा’ असा खोचक सल्ला त्यांनी ठाकरे गटातला दिला आहे.
