दादर कबूतरखाना परिसरात जैन समाजाने मोठे आंदोलन केले. आंदोलकांनी ताडपत्री फाडून कबूतरखाना पुन्हा सुरू केला. हाती सुतळ्या घेऊन बांबूंना लावलेल्या सुतळ्या तोडण्यात आल्या. कबूतरखान्यावर धान्य टाकून कबूतरांना खाद्य देण्यात आले. जवळपास तासभर हे आंदोलन सुरू होते. सकाळी पूर्वनियोजित आंदोलन रद्द झाल्याचे सांगण्यात आले होते, मात्र अचानक शेकडो आंदोलक जमा झाले आणि त्यांनी रस्ता जाम केला. यामुळे काही प्रमाणात वाहतूक कोंडी झाली. सहपालकमंत्री मंगलप्रभात लढा यांनी आंदोलनात बाहेरचे लोक घुसल्याचा आरोप केला. यावर मनीषा कायंदे यांनी ट्रस्टींच्या म्हणण्यानुसार बाहेरचे लोक आले होते, असे उत्तर दिले. मुख्यमंत्र्यांनी दिलेल्या निर्देशानंतर ट्रस्टींनी समाधान व्यक्त केले होते. कबूतरखाना शेकडो वर्षांपासून अस्तित्वात असून, आजवर कोणालाही त्रास झाला नाही, असा मुद्दा उपस्थित करण्यात आला. अचानक एका विदेशी रिपोर्टमुळे फुफ्फुसांचे आजार होत असल्याचा दावा केला जात आहे. मुंबईतील २०० वर्षांचा डेटा काढून कबुतरांमुळे किती लोकांचा मृत्यू झाला हे सांगावे, अशी मागणी करण्यात आली. कबुतरांना अचानक धान्य देणे बंद केल्यास ती मरू शकतात, अशी चिंता जैन समाजाने व्यक्त केली. महानगरपालिकेने लवकरात लवकर पर्याय द्यावा, अशी भूमिका मांडण्यात आली.
