Khamenei: अमेरिका आणि इस्रायल या दोन देशांनी केलेल्या संयुक्त हल्ल्यात इराणचे सर्वोच्च नेते आयातुल्लाह खामेनेई यांचा मृत्यू झाला. त्यामुळे देशात तणावग्रस्त वातावरण आहे. फक्त इराणमध्येच नाही तर, भारतात देखील खामेनेई यांच्या निधनानंतर शिया मुस्लीम यांच्याकडून शोक व्यक्त करण्यात येत आहे. तर इराण येथील अभिनेत्री एल्नाझ नोरौजी हिने खामेनेई यांच्या निधनानंतर मोठा खुलासा केला आहे. अभिनेत्री एल्नाझ नोरोझी हिने एका मुलाखतीत खामेनेई यांच्या निधनाच्या सन्मानार्थ आयोजित करण्यात येणाऱ्या शोक आणि निदर्शनांवर टीका केली. इराणच्या सर्वोच्च नेत्याच्या निधनाबद्दल निषेध आणि शोक व्यक्त करणाऱ्यांकडे अचूक माहिती नसल्याचं आणि त्यांना वस्तुस्थिती माहिती नसल्याचंही तिने म्हटलं आहे.
एल्नाझ नोरौजी म्हणाली, ‘हे प्रचंड दुःखद आहे. मला असं वाटतं की, आंदोलन करणाऱ्यांना अनेक गोष्टी माहिती नाहीत, म्हणून असं होतं आहे. त्यांना नाही माहिती की, धर्माच्या नावावर खामेनेई यांनी किती लोकांवर अत्याचार केले आहेत. खामेनेई यांनी किती लोकांची हत्या केली आहे… आंदोलकांना काहीही माहिती नाही, त्यांना फक्त एक गोष्ट माहिती आहे आणि ती म्हणजे, खामेनेई धार्मिक नेते आहेत आणि लोकांनी त्यांचं अनुकरण केलं…’
#WATCH | Mumbai: On Iran-Israel Conflict, Iranian Actress, Elnaaz Norouzi says, “… Everybody is upset about the war, and everybody is scared about what’s going to happen next. It’s a very uncertain situation. But what I can say is that the majority of people of Iran are… pic.twitter.com/cUaz2MqlQK
— ANI (@ANI) March 4, 2026
‘प्रत्येक जण युद्धामुळे त्रासलेला आहे. पुढे काय होणार याबद्दल प्रत्येक जण भयभीत आहेत. स्थिती प्रचंड अनिश्चित आहे पण इराणमधील अधिकांश लोक बदलाच्या प्रतिक्षेत आहेत. गेल्या 47 वर्षांपासून इराण येखील लोकांना बदल हवे आहेत. लोकांना घरात सुरक्षित राहण्यासाठी सांगण्यात येत आहे. कारण त्यांना माहिती आहे की, अमेरिका आणि इस्रायल कधीच त्यांच्यावर हल्ले करणार नाही… ते विशेषतः आयआरजीसी आणि त्यांच्या नेत्यांना लक्ष्य करत आहेत. मी काल रात्री माझ्या कुटुंबाशी बोलले आणि ते ठीक आहेत. असं देखील अभिनेत्री एल्नाझ नोरौजी म्हणाली.
एल्नाझ नोरौजी हिच्याबद्दल सांगायचं झालं तर, अभिनेत्रीचा जन्म इराण याठिकाणी झाला. त्यानंतर एल्नाझ जर्मनीत गेली. त्यानंतर भारतात तिने स्वतःची ओळख भक्कम केली… एल्नाजने जर्मनीमध्ये शिक्षण घेतलं आणि तिथेच मॉडेलिंग सुरू केली. तिने भारतातही करिअर केलं. तिने लोकप्रिय नेटफ्लिक्स सिरीज सेक्रेड गेम्समध्ये काम केले, ज्यामध्ये तिने झोया मिर्झाची भूमिका साकारली.
