आयपीएलच्या 19 व्या मोसमाला 28 मार्चपासून सुरुवात होत आहे. लखनौ सुपर जांयट्सला या स्पर्धेच्या इतिहासात काही खास करता आलेलं नाही. लखनौची ट्रॉफीची प्रतिक्षा कायम आहे. ऋषभ पंत याच्या नेतृत्वात लखनौला ट्रॉफी जिंकता आलेली नाही. त्यामुळे लखनौ यंदा ट्रॉफीची प्रतिक्षा संपवण्याच्या तयारीने मैदानात उतरणार आहेत. मात्र अशात लखनौ सुपर जायंट्सचे मालक संजीव गोयंका यांच्या एका पोस्टमुळे एकच चर्चा रंगली आहे. गोयंका यांच्या या पोस्टचे अनेक अर्थ काढले जात आहेत. 19 व्या मोसमाला अवघे काही दिवस बाकी असल्याने ही पोस्ट लखनौ टीममधील खेळाडूंसाठी आहे, असं म्हटलं जात आहे.
लखनौचा पहिला सामना कधी?
लखनौ सुपर जायंट्स 19 व्या मोसमातील आपला पहिला सामना हा 1 एप्रिलला खेळणार आहे. लखनौसमोर या सामन्यात दिल्ली कॅपिट्ल्सचं आव्हान असणार आहे. लखनौला गेल्या हंगामात काही खास करता आलं नाही. लखनौचं सातव्या स्थानी आव्हान संपुष्टात आलं होतं. त्यामुळे यंदा लखनौ अविस्मरणीय कामगिरी करण्यासाठी मैदानात उतरणार आहे.
ऋषभ पंत याचा या मोसमात फलंदाज, विकेटकीपर आणि कर्णधार अशा तिहेरी भूमिका बजावताना कस लागणार आहे. पंतला गेल्या मोसमात बॅटिंगनेही काही खास करता आलं नव्हतं. पंत आयपीएलच्या इतिहासातील सर्वात महागडा खेळाडू आहे. त्यामुळे पंतवर तेही दडपण असणार आहे. त्यामुळे पंतसमोर स्वत:ला फलंदाज, विकेटकीपर आणि यशस्वी कर्णधार म्हणून सिद्ध करण्याचं आव्हान असणार आहे.
संजीव गोयंका यांची सूचक पोस्ट
I measure people by the results they deliver, not by the hours they sit behind a desk without delivering. Output is the only honest metric.
— Dr. Sanjiv Goenka (@DrSanjivGoenka) March 19, 2026
कर्णधार आणि फलंदाज म्हणून या हंगामात निराशाजनक कामगिरी झाल्यास आपल्या अडचणींत वाढ होईल, याची जाणिव पंतला आहे. गोयंका यांच्या सूचक पोस्टमुळे चर्चा रंगली आहे. गोयंकांनी स्पर्धेला 13 दिवस बाकी असताना ही पोस्ट केलीय. त्यामुळे या टायमिंगमुळे अनेक तर्कवितर्क पाहायला मिळत आहे.
“लोकं कसं आणि काय आऊटपूट देतात मी त्यांचं मूल्यमापन करतो. तसेच मी कोण किती तास थांबून काम करतोय हे पाहत नाही. आऊटपूट एकमेव मापदंड आहे”, असं संजीव गोयंका यांनी पोस्टमध्ये म्हटलं आहे.
दरम्यान लखनौ आयपीएल मोहिमेतील आपला पहिला सामना हा 1 एप्रिलला होणार आहे. लखनौसमोर दिल्ली कॅपिट्ल्सचं आव्हान असणार आहे. लखनौ त्यानंतर रविवारी 5 एप्रिलला सनरायजर्स हैदराबाद विरुद्ध भिडणार आहे. लखनौचा साखळी फेरीतील तिसरा सामना 9 एप्रिलला होणार आहे. तर चौथा आणि शेवटचा सामना हा 12 एप्रिलला गुजरात टायटन्स विरुद्ध होणार आहे. एकूण 4 राज्यांमधील विधानसभा निवडणुकांमुळे बीसीसीआयने आयपीएलच्या 19 व्या मोसमातील पहिल्या 20 सामन्यांचंच वेळापत्रक जाहीर केलं आहे.
