Trident Share: गेल्या काही दिवसांपासून शेअर बाजारावर मध्य-पूर्वेतील युद्धाचे ढग आहेत. शेअर बाजाराने गुंतवणूकदारांना मोठा झटका दिला आहे. पण सध्या बाजार स्थिरावला आहे. तर ट्रायडंट शेअरने मोठी उसळी घेतली आहे. हा शेअर 12 टक्क्यांनी उसळला आहे.
व्यापारी सत्रा दरम्यान हा शेअर 22.10 रुपयांवरुन पुढे सरकला. हा शेअर 12 टक्क्यांनी वधारला. हा शेअर थेट 25 रुपयांवर व्यापारा करू लागला. त्यामुळे गुंतवणूकदारांना मोठा फायदा झाला. गेल्या काही दिवसांपासून जुळत नसलेले कमाईचे गणित जुळून आले.
या शेअरचा 52 आठवड्याचा उच्चांक 34.60 रुपये आहे. हा शेअर मे 2025 रोजी या उच्चांकावर पोहचला होता. या शेअरने काल 17 मे रोजी 52 व्या आठवड्यातील निच्चांकी 22 रुपयांची घसरण अनुभवली आहे. तरीही या शेअरने आज पुन्हा झेप घेतली आहे.
ट्रायडेंट लिमिटेडमध्ये प्रमोटर्सकडे जवळपास 73.68 टक्क्यांचा वाटा आहे. तर पब्लिक शेअरहोल्डिंग 26.32 टक्के इतके आहे. प्रमोटर्समध्ये मधुराज फाऊंडेशन आणि ट्रायडेंट लिमिटेड हे प्रमुख हिस्सेदार आहेत. ट्रायडेंटने 31 डिसेंबर रोजी तिमाही निकाल जाहीर केले.
या निकालानुसार कंपनीचा महसूल घटला. कंपनीच्या नफ्यात 44.5 टक्क्यांची घसरण झाली. निव्वळ नफा 79.7 कोटींहून थेट 44.2 कोटींवर आला. महसूलात 5.6 टक्क्यांची घसरण नोंदवली गेली. एका वर्षात महसूल 1667 रुपयांहून कमी होऊन 1,574 कोटी रुपयांवर आला.
डिस्क्लेमर : टीव्ही 9 मराठी कुठल्याही स्टॉक, म्युच्युअल फंड, आयपीओमध्ये गुंतवणूक करण्याचा सल्ला देत नाही. येथे केवळ त्याची माहिती देण्यात आली आहे. गुंतवणुकीपूर्वी तज्ज्ञाचा, आर्थिक सल्लागाराचा सल्ला आवश्य घ्या.
