Salim Khan Health: अभिनेता सलमान खान याचे वडील आणि बॉलिवूडचे लोकप्रिय लेखक सलीम खान अद्यापही तुरुंगात आहेत. गेल्या 11 दिवसांपासून त्यांच्यावर उपचार सुरु आहे. मुंबईतील लीलावती रुग्णालयाच्या ICU मध्ये त्यांच्यावर उपचार सुरु आहे. डॉक्टर जलिल पारकार यांच्या देखरेखीखाली तज्ज्ञ डॉक्टरांची पूर्ण एक टीम सलीम खान यांच्या प्रकृतीवर लक्ष ठेवून आहेत. 90 वर्षांच्या सलीम खान यांना गेल्या आठवड्यात मंगळवारी रुग्णालयात दाखल करण्यात आलं होतं. पण सलीम खान यांना रुग्णालयातून कधी डिस्चार्ज मिळेल याच प्रतिक्षेत प्रत्येक जण आहे. याच दरम्यान, बॉलिवूड अभिनेता रणवीर सींग, सलीम खान यांची विचारपूस करण्यासाठी रुग्णालयात पोहोचला. त्यानंतर नात अलवीरा अग्निहोत्री देखील रुग्णलयात पोहोचली.
गेल्या आठवड्यात बुधवारी लीलावती रुग्णालयाने सलीम खान यांचं हेल्थ बुलेटिन पहिल्यांदा आणि शेवटचे प्रसिद्ध केले. डॉ. पारकर यांनी तेव्हा सांगितल्यानुसार, सलीम यांना त्यांच्या वयाचा विचार करून खबरदारीचा उपाय म्हणून व्हेंटिलेटरवर ठेवण्यात आलं होतं. त्या दिवशी सकाळी त्यांच्यावर डीएसए शस्त्रक्रिया करण्यात आली होती. तथापि, 11 व्या दिवसापर्यंत, त्यांना व्हेंटिलेटरवरून काढून टाकण्यात आले आहे की नाही याबद्दल कोणतीही अधिकृत माहिती नाही.
सांगायचं झालं तर, गेल्या 11 दिवसांपासून कुटुंबातील सदस्य, जवळचे व्यक्ती, मित्र आणि इंडस्ट्रीतील अन्य कलाकार देखील सलीम खान यांची विचारपूस करण्यासाठी रुग्णालयात धाव घेत आहेत. सलीम खान रुग्णालयाच्या पहिल्या मजल्यावर असलेल्या ICU मध्ये आहेत. त्यांना भेटण्याची कोणाला परवानगी नाही. पण संपूर्ण बॉलिवूड खान कुटुंबियांसोबत आहे.
सोमवारी अमृता अरोराचे पती शकील लडाक हे सर्वात आधी रुग्णालयात पोहोचले, त्यानंतर जरीन खान. मुलगी अर्पिता आणि मुलगा सोहेल खान, नातू अरहान हे देखील नंतर येताना आणि जाताना दिसले रमजानच्या या पवित्र महिन्यात सलिन खान यांच्या प्रकृतीत सुधारणा होत आहे.
अनेक सेलिब्रिटी आणि चाहते देखील त्यांच्यासाठी प्रार्थना करत आहेत आणि सलिम खान यांना कधी डिस्चार्ज मिळेल याच प्रतीक्षेत आहे. अलिकडेच, अभिनेता एजाज खानने रुग्णालयात सलीम खान यांची भेट घेतली. त्यानंतर, त्यांनी माध्यमांना सांगितलं की, देवाच्या कृपेने, सलीम खान यांना सोमवारी रुग्णालयातून डिस्चार्ज मिळेल. परंतु, तसं झालं नाही. सलीम खान यांच्यावर अद्यापही रुग्णालायत उपचार सुरु आहेत.
