सीमा हैदर आणि सचिन मीणा हे कपल सोशल मीडियावर चांगलंच चर्चेमध्ये असतं, काही दिवसांपूर्वीच सचिन मिणाने नवीन घर घेतलं, या घरात मोठ्या थाटात सीमा हैदर आणि सचिन मीणा यांचा प्रवेश झाला. सीमा हैदर ही पाकिस्तानची नागरिक आहे, ऑनलाईन गेमदरम्यान सचिन आणि सीमाची ओळख झाली होती, त्यानंतर तीने पाकिस्तान सोडलं, नेपाळमार्गे ती भारतात आली. त्यानंतर तीने भारतात सचिन मीणाशी लग्न केलं, या लग्नावरून देखील मोठा वाद झाला होता, या जोडीला सोशल मीडियावर चांगलंच ट्रोल करण्यात आलं. सीमा हैदर आपल्या चार मुलांना घेऊन पाकिस्तानातून भारतात आली होती, त्यानंतर तिने भारतात एक मुलाला जन्म दिला. आता एक मोठी बातमी समोर येत आहे, ती म्हणजे तिने आता आणखी एका मुलाला जन्म दिला असून, सचिन आणि सीमाच्या घरी नव्या पाहुण्याचं आगमन झालं आहे, सीमा आता सहा मुलांची आई बनली आहे.
सीमा हैदरने ग्रेटर नोएडाच्या एका रुग्णालयात आपल्या सहाव्या मुलाला जन्म दिला आहे. आई आणि मुलाची प्रकृती उत्तम असल्याची माहिती डॉक्टरांनी दिली आहे. दरम्यान त्यानंतर आता हिंदू रक्षा दलाकडून मोठी घोषणा करण्यात आली आहे. हिंदू रक्षा दलाकडून सीमा हैदरचा भव्य सत्कार करण्यात येणार आहे. याबाबत हिंदू रक्षा दलाचे नेते भूपेंद्र उर्फ पिंकी चौधरी यांनी माहिती दिली आहे. सीमा हैदरने सहाव्या मुलाला जन्म दिला म्हणून हिंदू रक्षा दलाकडून सीमा हैदरचा सत्कार करण्यत येणार आहे.
पिंकी चौधरी यांनी एक व्हिडीओ पोस्ट करत याबाबत घोषणा केली आहे. या व्हिडीओमध्ये चौधरी यांनी म्हटलं आहे की, आम्ही हिंदू लोकांना आपलं कुटुंब वाढवण्याचं आव्हान केलं होतं. सोबतच जास्त मुलं जन्मला घालणाऱ्यांना बक्षीस देण्याची देखील घोषणा केली होती. त्यामुळे आता सचिन आणि सीमा हैदर यांच्या घरी 6 वं मुल जन्माला आलं आहे, त्यामुळे आम्ही सीमा हैदरचा सन्मान करणार आहोत, तसेच तिला बक्षीस देखील देणार आहोत, असं या व्हिडीओमध्ये चौधरी यांनी म्हटलं आहे.
