Mumbai Malad Crime News : मुंबईच्या मालाडमध्ये एक धक्कादायक घटना घडली आहे. मालाड ट्रान्सजेंडर गँगकडून महाविद्यालयीन तरुणाचे अपहरण करण्यात आले आहे. मालाडमध्ये 19 वर्षीय तरुणाचे अपहरण करुन त्याला ब्लॅकमेल आणि जबरदस्तीने जेंडर सर्जरी केल्याचा गंभीर आरोप करण्यात आला आहे. नेहा खान उर्फ नेहा इप्टे आणि तिच्या साथीदारांनी दबाव, मारहाण आणि अश्लील व्हिडिओद्वारे धमकावल्याचा दावा करण्यात आला आहे.
आरोपींनी तरुणाला सूरतच्या रुग्णालयात नेऊन अनिच्छेने जेंडर बदल शस्त्रक्रिया केल्याचा आरोप
दरम्यान, मिळालेल्या माहितीनुसार, 28 ऑक्टोबरला आरोपींनी तरुणाला सूरतच्या रुग्णालयात नेऊन अनिच्छेने जेंडर बदल शस्त्रक्रिया केल्याचे तक्रारीत नमूद करण्यात आले आहे. भिक्षा मागण्यास भाग पाडणे, पैसे उकळण्याचा प्रयत्न आणि सततच्या धमक्या दिल्याचा आरोप पीडित तरुणाने केला आहे. पीडिताने 4 नोव्हेंबरला पळून सुटका करुन घेतली, त्यानंतर पोलिसात तक्रार दाखल केली आहे. मालवणी पोलिसांनी अपहरण, ब्लॅकमेल, जबरदस्ती आणि वैद्यकीय अत्याचारासह अनेक कलमांखाली गुन्हा नोंदवला आहे. या प्रकरणी मालवणी पोलिसांनी 4 आरोपींना अटक केली आहेत तर; रुग्णालय रेकॉर्ड आणि संपूर्ण प्रकरणाचा तपास सुरु आहे.
महत्वाच्या बातम्या:
Munjya : वडिलांचा मृत्यू, घर विकलं, ट्रान्सजेंडर बनून रस्त्यावर राहिला; 100 कोटींचा चित्रपट देणाऱ्या अभिनेत्याची संघर्षगाथा
आणखी वाचा
