Mumbai CSMT Protest : मुंब्रा रेल्वे अपघात (Accident) प्रकरणी रेल्वे कर्मचाऱ्यांनी आंदोलन केलं आहे. रेल्वे कर्मचाऱ्यांच्या आंदोलनाचा फटका ठाणे रेल्वे (Railway) स्थानकातील प्रवाशांना बसला होता, बराच वेळ ट्रेन दादरला थांबून होत्या. त्यामुळे, मुलुंड आणि ठाणे रेल्वे स्थानकावर प्रवाशांची मोठी गर्दी झाली होती. गर्दीमुळे काही प्रवासी लोकल ट्रॅकवरुन जात असताना लोकलची धडक बसल्याने खाली पडले, यामध्ये पाच जणांचा मृत्यू झाला होता. यानंतर CSMT येथे आंदोलन करणाऱ्या रेल्वे कर्मचाऱ्यांच्या अडचणी वाढण्याची शक्यता आहे. CSMT येथे करण्यात आलेल्या रेल्वे कर्मचाऱ्यांच्या आंदोलनाची रेल्वे पोलिसांकडून सखोल चौकशी केली जाणार आहे.
कायदेशीर कारवाई करण्याबाबत निर्णय घेतला जाण्याची शक्यता
CSMT येथे रेल्वे कर्मचाऱ्यांनी केलेले आंदोलनाला रितसर परवानगी होती का? निषेध नोंदवून फक्त रेल्वेच्या वरिष्ठांना पत्रव्यवहार केला जाणार होता. मग अचानक आंदोलन कसं चिघळलं, मोटरमन यांचा आंदोलनातील सहभाग नागरिकांची झालेली गैरसोय आणि यामुळे कायदा व सुव्यवस्थे प्रश्न उद्भवला असता. त्यामुळेच या आंदोलनाची सविस्तर चौकशी करून त्याबाबतचा अहवाल रेल्वे पोलिसांकडून वरिष्ठ अधिकाऱ्यांकडे सादर केला जाणार असल्याची माहिती सूत्रांनी दिली आहे. या अहवालावर वरिष्ठांच्या सूचनेनंतर पुढे कायदेशीर कारवाई करण्याबाबत निर्णय घेतला जाण्याची शक्यता असल्याची माहिती सूत्रांनी दिली आहे.
Mumbai CSMT Protest: आंदोलन का करण्यात आलं?
मुंब्रा इथे झालेल्या अपघातात लोहमार्ग पोलिसांनी 2 अभियंत्यांवर गुन्हे दाखल केले, त्याच्या विरोधात रेल्वे कर्मचारी संघटनानी काल आंदोलन केलं. यामध्ये NRUM कडून संध्याकाळी मोर्चा काढण्यात आला, त्यानंतर लोकल देखील सोडण्यात आल्या नाहीत, मोटर मन देखील यात सहभागी झाले होते. मध्य आणि हार्बर मार्गावरील लोकल सीएसएमटी स्थानकात उभ्या होत्या. रेल्वे प्रशासनाचे रेल्वे युनियन सोबत बोलणे सुरू आहे, लोकल सोडण्यात यव्या यासाठी बोलणी सुरू होती. रेल्वेचे जनसंपर्क अधिकारी स्वप्नील लीला यांच्या माहितीनुसार काही वेळाने लोकल सुरू झाल्या. आंदोलकांसोबत बोलून गाड्या सुरु केल्या. डीआरएम, डीएम सरांसोबत बोलून हे आंदोलन थांबवण्यात आलं, असं स्वप्नील लीला यांनी सांगितलं. जीआरपीनं अभियत्यांविरोधात दाखल केलेल्या केसच्या विरोधात हे आंदोलन करण्यात आलं. पावणे सहा पर्यंत गाड्या थांबल्या होत्या. पावणे सात वाजता पुन्हा लोकल सुरु झाल्या आहेत. त्यामुळं लोकल सेवा उशिरानं सुरु राहील, असं रेल्वेचे जनसंपर्क अधिकारी स्वप्नील लीला यांनी सांगितलं.
मुंब्रा अपघात प्रकरण काय?
9 जूनला मुंब्रा स्थानकाजवळ एक अपघात झाला होता. त्या अपघातात 5 जणांचा मृत्यू तर 9 जण जखमी झाले होते. त्या लोकल अपघाताचं कारण रेल्वे अभियंत्यांनी पावसामुळं खचलेल्या जागेचं काम वेळेत न करता दुर्लक्ष केल्यानं अपघात झाल्याचं एफआयरमध्ये म्हटलं होतं. या प्रकरणी दोन अभियंत्यांवर गुन्हा दाखल करण्यात आला होता. रेल्वेचे सिनियर सेक्शन इंजिनियर समर यादव आणि असिस्टंट डिव्हिजनल इंजिनियर विशाल डोळस यांनी दुर्लक्ष केल्याचा ठपका ठेवण्यात आला होता.
आणखी वाचा
