Headlines

शिवप्रेमींचा विजय! राष्ट्रवादी (SP) च्या आंदोलनाला यश – उद्या स्मारकाचे अनावरण….

शिवप्रेमींचा विजय! राष्ट्रवादी (SP) च्या आंदोलनाला यश – उद्या स्मारकाचे अनावरण….
शिवप्रेमींचा विजय! राष्ट्रवादी (SP) च्या आंदोलनाला यश – उद्या स्मारकाचे अनावरण….

नेरुळ येथील छत्रपती शिवाजी महाराजांच्या स्मारकाला चार महिन्यांपासून घाणेरड्या कपड्याने झाकून तसेच तारांच्या कुंपणाने बंदिस्त ठेवण्यात आल्याच्या निषेधार्थ राष्ट्रवादी काँग्रेस पक्ष (SP) तर्फे आज नवी मुंबई महापालिका मुख्यालयावर तीव्र आंदोलन करण्यात आले. राष्ट्रवादी युवक काँग्रेसचे कार्याध्यक्ष नितीन चव्हाण यांच्या नेतृत्वाखाली झालेल्या या आंदोलनाला शिवप्रेमींचा उत्स्फूर्त प्रतिसाद मिळाला.

https://www.instagram.com/reel/DRR_XVKDJsm/?igsh=MWNiMzUwOXBmdjIzaQ==

मनपाच्या निष्क्रीय भूमिकेमुळे शिवभक्तांमध्ये संताप उसळला होता. आंदोलनादरम्यान मनपा मुख्यालयातील प्रतिकृतीला काळा कपडा बांधून निषेध व्यक्त करण्यात आला आणि घोषणाबाजीने मुख्यालय दणाणून सोडले.

यावेळी नितीन चव्हाण यांनी 48 तासांच्या आत स्मारक खुलं करण्याची मागणी करत मनपाला कठोर इशारा दिला होता. तसेच राष्ट्रवादी काँग्रेस (SP) चे प्रदेश अध्यक्ष आमदार शशिकांत शिंदे यांनीही पत्रकारांशी संवाद साधताना स्मारक तात्काळ खुलं करण्याचा इशारा प्रशासनाला दिला होता.

या तीव्र आंदोलनानंतर महापालिका आयुक्तांनी अखेर झुकत प्रसिद्धीपत्रक जारी केले असून छत्रपती शिवाजी महाराजांच्या स्मारकाचे अनावरण उद्या संध्याकाळी ५ वाजता करण्यात येणार असल्याची अधिकृत घोषणा केली आहे.

या निर्णयामुळे सर्व शिवप्रेमी आणि शिवरायांचे स्मारक उभारण्यासाठी परिश्रम घेणाऱ्या सामाजिक संघटनांमध्ये आनंदाचे वातावरण निर्माण झाले आहे.

Leave a Reply

Your email address will not be published. Required fields are marked *