रोहित शर्माच्या जोरदार फटक्याने पायाला जबर दुखापत, मुंबई इंडियन्सच्या सरावादरम्यान घडला प्रकार VideoImage Credit source: PTI
Rohit Sharma IPL 2026: आयपीएल 2026 स्पर्धेत मुंबई इंडियन्स संघ नाजूक स्थितीत आहे. खरं तर प्लेऑफच्या शर्यतीतून मुंबई इंडियन्स संघ आऊट झाला आहे. आता उर्वरित चार सामन्यात विजय मिळवला तरी गणित जर तर वर असणार आहे. या स्पर्धेतील आतापर्यंत खेळलेल्या दहा सामन्यात मुंबई इंडियन्सने चढउतार पाहिले. चढ कमी आणि पराभवाचे उतारच जास्त आले. यात पाच सामन्यात रोहित शर्मा खेळला नाही. पण लखनौ सुपर जायंट्सविरुद्धच्या सामन्यात त्याचं कमबॅक झालं. त्याने या सामन्यात आक्रमकपणे 84 धावांची खेळी केली. तसेच लखनौ सुपर जायंट्सने ठेवलेलं 229 धावांचं लक्ष्य गाठलं. आता रोहित शर्मा पुढच्या सामन्याच्या तयारीला लागला आहे. पुढचा सामना आरसीबीविरुद्ध होणार आहे. या सामन्याची तयारी करताना रोहित शर्माने नेटमध्ये घाम गाळला. पण त्याच्या जोरदार फटकेबाजीने एक ग्राउंड्समॅन जखमी झाली. सराव करताना रोहित शर्माने एक कट शॉट मारला आणि हा चेंडू ग्राउंड्समॅनच्या पायाला लागला.
काय झालं नेमकं मैदानात?
रोहित शर्माने जोरदार फटका मारल्यानंतर ग्राउंड्समॅनच्या पायाला जोरात लागला आणि तो जमिनीवर बसला. वेदना त्याला असह्य होत असल्याचं दिसून आलं. त्याला लागल्याचं पाहून रोहित शर्मालाही वाईट वाटलं. त्याने लगेचच त्याच्याकडे धाव घेतली. इतकंच काय तर सपोर्ट स्टाफच्या सदस्यांना जखमी झालेल्या ग्राउंड्समॅनवर उपचार करण्यास सांगितलं. या घटनेचा संपूर्ण व्हिडीओ समोर आला आहे. रोहित शर्माने ग्राउंड्समॅनची घेतलेली काळजी पाहून त्याच्या चाहत्यांचा ऊर भरून आला आहे. चाहत्यांनी त्याच्या कृतीचं कौतुक करत सोशल मीडियावर व्हिडीओ शेअर केला आहे.
Beyond the game, it’s heart over everything 💙
Ro ensured ground staff Siban Biswas was promptly looked after an unfortunate training incident 🙌 pic.twitter.com/AdyuOxUVC8
— Mumbai Indians (@mipaltan) May 6, 2026
रोहित शर्मा फॉर्मात
मुंबई इंडियन्सची स्पर्धेतील स्थिती नाजूक आहे. पण रोहित शर्मा जबरदस्त फॉर्मात असल्याचं दिसून आलं आहे. रोहित शर्माने पाच सामन्यात 55.25 च्या सरासरीने 221 धावा केल्या आहेत. यावेळी त्याचा स्ट्राईक रेट हा 174हून अधिकचा आहे. रोहित शर्माने यात दोन अर्धशतकं ठोकली आहेत. त्याने 15 षटकार आणि 9 चौकार मारले आहेत. आता आरसीबीविरुद्धच्या सामन्यात कशी कामगिरी करतो याकडे लक्ष असणार आहे.
