आयपीएल स्पर्धा सुरु असताना चेन्नई सुपर किंग्सकडून नव्या खेळाडूचा शोध, मुंबईच्या अष्टपैलूची घेतली चाचणीImage Credit source: IPL/BCCI
आयपीएल 2026 स्पर्धेत चेन्नई सुपर किंग्सची कामगिरी हवी तशी झालेली नाही. चेन्नई सुपर किंग्सने आठ पैकी पाच सामन्यात पराभवाचं तोंड पाहिलं आहे. त्यामुळे प्लेऑफमध्ये जागा मिळवण्याचा आशा धूसर होत चालली आहे. त्यामुळे प्लेऑफच्या शर्यतीत राहायचं तर प्रत्येक सामना जिंकणं भाग आहे. अशा स्थितीत एक मजबूत संघ मैदानात उतरणं गरजेचं आहे. चेन्नई सुपर किंग्सची फलंदाजी चांगली होत आहे. मात्र गोलंदाजीत बऱ्याच उणीवा जाणवत आहेत. असं सर्व गणित असताना संघावर दुखापतीचा डोंगर कोसळला आहे. काही खेळाडू दुखापतीमुळे संपूर्ण स्पर्धेला मुकले आहेत. स्टार विकेटकीपर फलंदाज एमएस धोनी देखील दुखापतीमुळे एकही सामना खेळू शकलेला नाही. त्यात मैदानात उतरेल की नाही याबाबतही शंका आहे.
डेवॉल्ड ब्रेव्हिस साइट स्ट्रेनमधून बरा होऊन चेन्नई सुपर किंग्स संघात परतला. पण नाथन एलिस हॅमस्ट्रिंगच्या दुखापतीमुळे आऊट झाला आहे. स्पेंसर जॉनसनही बॅक स्ट्रेबस फ्रॅक्चरमुळे त्रस्त आहे. दुसरीकडे, आयुष म्हात्रे आणि खलील अहमद दुखापतीमुळे या स्पर्धेला मुकले आहेत. त्यामुळे त्यांची जागा भरून काढण्याचं मोठं आव्हान चेन्नई सुपर किंग्स संघावर आहे. आयुष म्हात्रेची जागा आकाश मढवालने घेतली आहे. पण खलील अहमदची जागा काही अजून भरलेली नाही. त्यामुळे त्याची जागा भरून काढण्याचं आव्हान आहे. त्याच्या जागेसाठी चेन्नई सुपर किंग्सने 21 वर्षीय अष्टपैलू आयुष वर्तकला आयपीएल स्पर्धा सुरू असताना ट्रायलसाठी बोलवलं आहे.
रिपोर्टनुसार, आयुष वर्तक लवकरच चेन्नईला जाणार आहे. आयुष वर्तक मुंबई आणि पारसी जिमखान्यासाठी खेळतो. मध्यम गतीचा वेगवान गोलंदाज असून मधल्या फळीत चांगली गोलंदाजीही करतो. त्याच्या मोठे फटके मारण्याची क्षमता आहे. आयुष वर्तकने मुंबई टी20 लीग स्पर्धेत जबरदस्त कामगिरी केली होती. त्याने 191 च्या स्ट्राईक रेटने 264 धावा केल्या होत्या. यात तीन विकेट घेतल्या होत्या. आयुष वर्तक मुंबई टी20 लीग स्पर्धेत नॉर्थ मुंबई पँथर्ससाठी खेळतो. तसेच मुंबई अंडर 19 क्रिकेट संघाचा भागही आहे.
