Vijay’s Oath Ceremony : थलपती विजय यांनी आज तामिळनाडूच्या मुख्यमंत्री पदाची शपथ घेतली आणि राजकारणात मोठा इतिहास घडवला आहे. विजय यांनी चेन्नई येथील नेहरू स्टेडियममध्ये सकाळी सुमारे साडेदहा वाजता मुख्यमंत्री पदाची शपथ घेतली. या खास प्रसंगी विजय यांचा मॉडर्न लूक पाहायला मिळाला. विजय यांनी शपथविधी सोहळ्यासाठी पारंपरिक पेहरावाऐवजी फॉर्मल लूकला पसंती दिली. शपथविधी सोहळ्यांमध्ये राजकारणी सहसा पारंपरिक धोती आणि वेष्टी परिधान करतात. मात्र, विजय यांनी शपथविधी सोहळ्यासाठी पूर्णपणे वेगळा आणि आधुनिक लूकला पसंती दिली.
विजय यांनी पांढरा शर्ट, काळी पँट आणि फॉर्मल बुटांमध्ये एन्ट्री केला… एखाद्या अभिनेत्याच्या अंदाजा विजय यांनी उपस्थितांचा मनं जिंकली. त्यांनी हा खास लूक तामिळनाडूच्या तरुणांची जुळवून घेण्यासाठी केला आणि हा एक बदल विकासांच्या दिशेने मोठं पाऊल असल्याचं देखील मानलं जात आहे..
याआधी सर्व मुख्यमंत्र्यांनी पारंपरिक लूकमध्ये घेतली शपथ
सांगायचं झालं तर, तामिळनाडू येथील सर्व माजी मुख्यमंत्र्यांनी शपथ विधीसोहळ्यासाठी तेथील पारंपरिक लूकला पसंती दिली. एम. जी. रामचन्द्रन नेहमी त्यांची प्रसिद्ध टोपी, चष्मा आणि पांढरी वेष्टी-शर्ट घालून शपथ घेतली. एम. करुणानिधी हे देखील त्यांच्या पिवळ्या शालीसाठी आणि पांढऱ्या पारंपरिक लूकसाठी ओळखले जात होते. पनीरसेल्वम आणि ई. के. पलानीस्वामी हे देखील पांढरी वेष्टी आणि शर्ट घालायचे. एवढंच नाही तर, एम. के. स्टॅलिन यांनीही 2021 मध्ये पांढरा शर्ट आणि वेष्टी घालून मुख्यमंत्रीपदाची शपथ घेतली होती.
विजय यांच्या लूकमागील खास कारण काय?
विजय यांनी शपथविधी सोहळ्यासाठी फॉर्मल लूक केला आणि अनेक वर्षांपूर्वीची जुनी परंपरा मोडीस काढली आहे. विजय यांचा हा लूक जनतेपर्यंत असा संदेश पोहोचवत आहे की, त्यांचं सरकार हे अधुनिक पद्धतीत काम करणारी सरकार असेल. सांगायचं झालं तर, विजय मुख्यमंत्री पदाची शपथ घेणार म्हणून पोलिसांचा कडेकोठ बंदोबंस्त होता. स्टेडियमच्या आत आणि बाहेर देखील मोठ्या संख्येत पोलीस उपस्थित होते.
9 नेत्यांनी घेतली मंत्रीपदाची शपथ
आज झालेल्या शपथविधी सोहळ्यात विजय यांच्यासोबतच 9 नेत्यांनी देखील मंत्री पदाची शपथ घेतली. थिरू एन. आनंद, सीटीआर निर्मल कुमार, अरुण राज, आधव अर्जुना, कीर्तना, राजमोहन, वेंकटरामनन आणि सेनगोट्टैयान यांची नावं सामिल आहेत.
