Arshdeep Singh Controversy: कोल्ड ड्रिंकचे पैसे मागणारे…! अर्शदीप सिंग नव्या वादात अडकलाImage Credit source: PTI
आयपीएल 2026 स्पर्धा सुरू असून पंजाब किंग्सने या स्पर्धेच्या पहिल्या टप्प्यात जबरदस्त कामगिरी केली. सात सामन्यांचा खेळ संपला तेव्हा सहा विजय मिळवले. तसेच एक सामना पावसामुळे ड्रॉ झाला आणि एक गुण मिळाला होता. पण त्यानंतर सलग पाच पराभव पदरी पडल्याने प्लेऑफचं गणित लांबलं आहे. आता प्लेऑफमध्ये स्थान मिळवेल की नाही अशी स्थिती आहे. दुसरीकडे, पंजाब किंग्सचा वेगवान गोलंदाज गेल्या काही दिवसांपासून वेगवेगळ्या कारणांमुळे चर्चेत आला आहे. मैदानाबाहेरील त्याची कृती वादग्रस्त ठरत आहे. नुकतंच त्याने तिलक वर्मावर टीका केली होती. त्यामुळे त्याला सोशल मीडियावर ट्रोल केलं गेलं. आता एका युजर्सच्या कमेंटवर त्याने पोस्ट केली आहे, त्यामुळे अनेकांना आश्चर्याचा धक्का बसला आहे. अर्शदीप सिंगने तिलक वर्मावर केलेल्या कमेंटनंतर एका चाहत्याने स्नॅपचॅटवर पंजाब किंग्सला आयपीएलमधून काढण्याची मागणी केली. त्यानंतर अर्शदीपने कमेंट केली आणि चर्चेत आहेत.
अर्शदीप सिंगचा युजर्ससोबत वाद
एका युजर्सने स्नॅपचॅटवर लिहिलं की, पंजाबला आयपीएलमधून काढलं पाहिजे. अर्शदीप सिंग, का आमची लाज घालवत आहे? यावर अर्शदीपने त्या युजर्सला उत्तर दिलं आहे. त्याने प्रत्युत्तर दिलं की, ‘तू पंजाबसाठी काय केलं आहेस की तुला लाज वाटत आहे. जे लोक कोल्ड ड्रिंक आणि चिप्स खाण्यासाठी कुटुंबाकडून पैसे घेतात, ते आम्हाला सल्ला देत आहे की नाव ठेवायचं की नाही.’ अर्शदीप सिंगने दिलेल्या प्रत्युत्तराचा स्क्रिनशॉट आता सोशल मीडियावर व्हायरल झाला आहे. त्यानंतर चाहते त्याला आणखी ट्रोल करत आहेत.
Fan – Please remove Punjab from the IPL, why are you insulting us, my friend.
Arshdeep – What you’ve done for Punjab that you felt embarrassed? people who ask their family money for chips and cold drink are giving advice on whether to keep the name or not? pic.twitter.com/3xdvq0IwvQ
— Mufaddal Vohra (@mufaddal_vohra) May 15, 2026
तिलक वर्माला काय म्हणाला होता?
मुंबई इंडियन्सविरुद्धच्या सामन्यापूर्वी अर्शदीप सिंगने तिलक वर्मावर टिपणी केल्याची चर्चा सोशल मीडियावर रंगली. या टिपणीचा अर्थ त्वचेच्या रंगाशी जोडला जात आहे. त्यामुळे अनेकांनी अर्शदीप सिंगवर कारवाईची मागणी केली आहे. त्याच्या पोस्टवर मुंबई इंडियन्सने पोस्टद्वारे उत्तर दिलं होतं. अर्शदीप वादाच्या भोवऱ्यात अडकण्याची ही काय पहिली वेळ नाही. यापूर्वीही त्याने तिलक वर्मावर टीका केली होती. तसेच साई सुदर्शन याचीही खिल्ली उडवली होती.
In this video, Arshdeep Singh mocked Tilak Varma for his look and he played a match-winning knock, he compared him to Naman, calling him the “real beauty of Punjab” naman scored just 9 runs and dropped sitters. 😭 pic.twitter.com/FxB4EADF4E
— Vipin Tiwari (@Vipintiwari952) May 14, 2026
Open story, view & reply 👻#PBKSvMI pic.twitter.com/KBtOonNWKG
— Mumbai Indians (@mipaltan) May 15, 2026
दरम्यान, पंजाब किंग्सविरुद्धच्या सामन्यात तिलक वर्माने मॅच विनिंग खेळी केली. त्याच्या खेळीमुळे पंजाबला पाचव्या पराभवाचं तोंड पाहावं लागलं. यानंतर मुंबई इंडियन्सने एक पोस्ट केली आहे. ते अर्शदीप सिंगच्या कमेंट्सला प्रत्युत्तर होतं असं मानलं जात आहे.
