जगामध्ये सध्या काही देशांमध्ये युद्ध सुरु असताना रेयर अर्थ मिनरल्सच्या बाबतीत चीनला मोठं यश मिळालं आहे. दुर्गम बर्फाळ प्रदेशात चीनला मिसाइल आणि जेट बनवण्यासाठी लागणारे 17 दुर्मिळ धातू सापडले आहेत. सीरियम, नियोडिमियम आणि डिस्प्रोसियम हे ते धातू आहेत असं वैज्ञानिकांकडून सांगण्यात आलं आहे. फायटर जेट आणि मिसाइल बनवण्यासाठी या धातुंची गरज लागते. सगळ्या जगाला 90 टक्के रेयर अर्थ मिनरल्सची निर्यात चीन करतो. रेयर अर्थ मिनरल्समध्ये चीनला त्यांचा प्रभाव कायम टिकवून ठेवता येणार आहे. साऊथ चायना मॉर्निंग पोस्टच्या वृत्तानुसार बर्फाळ प्रदेशात हे धातू सापडले आहेत. बर्फ वितळल्यानंतर वैज्ञानिकांनी शोध सुरु केला. या बाबतीत त्यांना मोठ यश मिळालं आहे.
हेइलोंगजियांग आणि जिलिन हा चीनमधला बर्फाळ प्रदेश आहे. तिथल्या मातीच्या नमुन्यांचा एक सर्वे करण्यात आला असं वैज्ञानिकांनी सांगितलं. आधी या भागात जे खडक होते, ते क्षारीय ग्रेनाइटने बनलेले. हिवाळ्यातील थंडावा आणि उन्हाळ्यातील ऊन यामध्ये सारखं बर्फ जमण्याची आणि विरघळण्याची प्रक्रिया सुरु असायची. त्यामिळे खडक तुटून विखुरले गेले. याच मातीत वैज्ञानिकांना 2 दुर्मिळ धातू गवसले आहेत. चीनच्या भू-वैज्ञानिकांच्या मते आता या प्लानवर अजून वेगाने काम सुरु आहे. लवकरच इथून हे दुर्मिळ धातू एकत्र केले जातील. आतापर्यंतच्या संशोधनात इथे सीरियम, नियोडिमियम आणि डिस्प्रोसियम नावाचे धातू सापडले आहेत.
चीनच्या हाती लागला खजाना
नियोडिमियमचा वापर फायटर जेट आणि मिसाइलमध्ये वापरल्या जाणाऱ्या मोटारमध्ये होतो. नियोडिमियम पासून शक्तीशाली मॅग्नेट बनतं. त्यामुळे जेट आणि मिसाइलमधील मोटर वेगवान गतीने काम करते. गरम वातावरणात मोटर खराब होऊ नये म्हणून डिस्प्रोसियमचा वापर केला जातो. सीरियमचा वापर अग्नि प्रज्वलित करण्यासाठी केला जातो. दारुगोळ्यामध्ये याचा वापर होतो. चीनच्या हाती लागलेला हा खजाना यासाठी महत्वाचा आहे, कारण वर्तमान स्थितीत अमेरिका, चीन, फ्रान्स, ब्रिटेन, रशिया आणि भारत हे देश मिसाइल आणि फायटर जेटच्या तंत्रज्ञानावर वेगाने काम करत आहेत.
