अमेरिकेचे राष्ट्रपती डोनाल्ड ट्रम्प हे दोन दिवसांच्या चीन दौऱ्यावर होते. या काळात अनेक महत्त्वाच्या घडामोडी घडल्या. चीनने डोनाल्ड ट्रम्प यांना मोठा झटका दिला. चीनमध्ये डोनाल्ड ट्रम्प आणि चीनचे राष्ट्रापती शी जिनपिंग यांच्यामध्ये महत्त्वाची बैठक देखील झाली. मात्र या बैठकीमध्ये चीनने डोनाल्ड ट्रम्प यांचा मोठा अपमान केला. शी जिनपिंग यांनी ट्रम्प यांना उघड उघड धमकी दिली. तैवानचा मुद्दा हा जर योग्य पद्धतीने हाताळला गेला नाही तर अमेरिका आणि चीनमधील संबंध खराब होऊ शकतात, गोष्ट युद्धपर्यंत पोहोचून शकते असा स्पष्ट संदेश शी जिनपिंग यांनी डोनाल्ड ट्रम्प यांना दिला होता. जर अमेरिकेनं तैवान मुद्द्यात हस्तक्षेप केला नाही तर मात्र अमेरिका आणि चीनचे संबंध मैत्रीपूर्ण राहातील असं देखील त्यांनी म्हटलं होतं. एवढंच नाही तर ट्रम्प यांचं जेव्हा बिजिंग विमानतळावर आगमन झालं होतं, तेव्हा त्यांचं स्वागत करण्यासाठी देखील शी जिनपिंग गेले नव्हते, चीनच्या उपराष्ट्रपतींना पाठवण्यात आलं होतं.
दरम्यान त्यानंतर आता मोठी बातमी समोर आली आहे. ज्या तैवानच्या मुद्द्यावरून चीनने अमेरिकेला धमकावलं होतं, त्याच मुद्द्यावर बोलताना आता डोनाल्ड ट्रम्प यांनी मोठं विधान केलं आहे. अमेरिकेची तैवानसोबत मोठी शस्त्र डील होणार आहे. मात्र शी जिनपिंग आणि ट्रम्प यांच्या भेटीनंतर ही डील थंड बस्त्यात पडणार असा अंदाज व्यक्त केला जात होता. परंतु यावर बोलताना आता ट्रम्प यांनी मोठं विधान केलं आहे. या संदर्भात मला सध्या तैवानमध्ये ज्यांची सत्ता आहे, त्यांच्यासोबत बोलावं लागेल असं ट्रम्प यांनी म्हटलं आहे. ट्रम्प यांच्या या विधानानंतर तैवानला मोठा दिलासा मिळाला आहे, त्यानंतर लगेचच तैवानकडून प्रतिक्रिया देखील देण्यात आली आहे. जर ट्रम्प यांना तैवानचे प्रमुख लाई चिंग यांच्यासोबत बोलायचं असेल तर आम्ही त्यांचं स्वागत करू, असं तैवानने म्हटलं आहे.
दरम्यान जर डोनाल्ड ट्रम्प यांनी शस्त्रांच्या डील संदर्भात लाई चिंग यांच्यासोबत बोलणी केली तर हा चीनसाठी मोठा धक्का असणार आहे. चीन दौऱ्यावरून परतताच ट्रम्प यांनी मोठं विधान केलं आहे. मी तैवानच्या प्रमुखांशी बोलणार आहे, असं त्यांनी म्हटलं आहे. तसेच डोनाल्ड ट्रम्प तैवानचा दौरा करण्याची देखील शक्यता आहे. यावर आता चीन काय भूमिका घेणार हे पहाणं महत्त्वांच ठरणार आहे, कारण चीनने आधीच ट्रम्प यांना युद्धाची धमकी दिली आहे.
