कुणाचा गेम होणार? कुणाला लॉटरी लागणार? Image Credit source: एजन्सी
Amravati Local Body Constituency Vidhan Parishad Election: राज्यात सध्या स्थानिक स्वराज्य संस्था मतदारंसघाच्या विधान परिषद निवडणुकीची धामधूम सुरू आहे. अमरावतीत रणधुमाळी सुरू आहे. अमरावती स्थानिक स्वराज्य संस्था मतदारसंघाच्या विधान परिषद निवडणुकीची अधिकृत घोषणा होताच विविध पक्षातील इच्छुकांनी उमेदवारीसाठी मोर्चेबांधणी सुरू केली आहे. त्यात आता कोण बाजी मारते याची चर्चा सुरू असतानाच 453 मतदारांमध्ये कोण लोकप्रिय आहे हे सुद्धा यानिमित्ताने समोर येणार आहे. या निवडणुकीत कोण बाजी मारणार आणि कुणाला लॉटरी लागणार याची उत्सुकता आणि चर्चा सुरू आहे.
भाजपला मविआकडून कुणाची फाईट?
अमरावती स्थानिक संस्था विधान परिषद निवडणुकीची घोषणा करण्यात आली आहे. त्यामुळे राजकीय हालचालींना वेग आला आहे. भाजपा तर्फे प्रवीण पोटे यांचे नाव जवळपास निश्चित असल्याची सूत्रांनी माहिती दिली आहे. पण मविआकडून फाईटर कोण ? याची चर्चा रंगली आहे. अमरावती स्थानिक स्वराज्य संस्था मतदारसंघाच्या विधान परिषद निवडणुकीची अधिकृत घोषणा होताच अमरावती जिल्ह्यातील राजकीय वातावरणातही बदल दिसून येत आहे.
प्रवीण पोटे पुन्हा मैदानात
तब्बल दोन वर्षांपासून रिक्त असलेल्या या जागेसाठी १८ जून रोजी मतदान तर २२ जून रोजी मतमोजणी होणार आहे. सलग दोनदा भाजप तर्फे विधान परिषद आमदार असलेले प्रवीण पोटे यांनाच तिसऱ्यांदा भाजप संधी देऊ शकते, त्यांची उमेदवारी निश्चित मानली जात आहे. तर काँग्रेस कुणाला उतरवणार याकडे सर्वांचे लक्ष लागले आहे. अमरावती स्थानिक स्वराज्य संस्था मतदारसंघाचा कार्यकाळ जून २०२४ मध्ये संपला होता. या मतदारसंघातून भाजपचे प्रवीण पोटे-पाटील यांनी २०१२ ते २०२४ या कालावधीत प्रतिनिधित्व केले आहे.
४५३ मतदार ठरवणार राजकीय भवितव्य
अमरावती स्थानिक संस्था विधान परिषद निवडणुकीत कुणाचे पारडे जड आहे याची चर्चा रंगली आहे. ४५३ मतदार उमेदवाराचे राजकीय भवितव्य ठरवणार आहेत.महानगरपालिका, नगर परिषद, नगरपंचायत आणि स्वीकृत सदस्यांचा यात समावेश आहे. राजकीय गणित पाहता भाजपकडे सुमारे १५० मतांचे बळ असल्याचे बोलले जात आहे. पण महाविकास आघाडी गेम फिरवण्याची शक्यताही वर्तवली जात आहे.
महायुतीचे संभाव्य गणित
भाजप – १५०
शिंदे सेना – १८
राष्ट्रवादी काँग्रेस (अजित पवार) – ३३
युवा स्वाभिमान – २६
प्रहार – २१
एकूण – २४८
महाविकास आघाडीचे संभाव्य गणित
काँग्रेस – १२०
शिवसेना (उद्धव ठाकरे) – २२
राष्ट्रवादी काँग्रेस (शरद पवार) – ११
एकूण – १५३
निर्णायक भूमिका बजावणारे पक्ष
एमआयएम – १६
इतर – ३४
एकूण – ५०
