कोणताही कार्यक्रम असेल किंवा बाहेर कुठे फिरायला जायचं असेल तर, महिलांना मेकअप करायला प्रचंड आवडतो.. आजच्या काळात मेकअप तर सर्वत महिलांसाठी महत्त्वाचा आहे… पणअनेक महिलांसमोर आपल्या चेहऱ्याच्या त्वचेसाठी लिक्विड फाउंडेशन वापरावे की कॉम्पॅक्ट पावडर, हा प्रश्न असतो. आज बाजारात अनेक प्रकारचे ब्रँड्सचे सौंदर्य प्रसाधने आहे, पण आपल्या त्वचेसाठी काय लाभदायक आहे… याबद्दल माहिती असणं गरजेचं आहे. सौंदर्य तज्ज्ञ सांगतात की आपल्या देशाचं वैशिष्ट्यपूर्ण हवामान आणि व्यक्तीच्या त्वचेच्या स्वरूपानुसार योग्य उत्पादनाची निवड केल्यासच दीर्घकाळ टिकणारे सौंदर्य मिळू शकते.
लिक्विड फाउंडेशन त्वचेवर लावण्यासाठी साधारणपणे सर्वात सोपं असतं आणि ते त्वचेला नैसर्गिक, चमकदार लुक देतं. ते चेहऱ्यावरील काळे डाग, व्रण आणि रंगातील फरक पूर्णपणे लपवतं, ज्यामुळे त्वचेला एकसमान रंग मिळतो. कोरडी आणि मिश्र त्वचा असलेल्यांसाठी हा विशेषतः एक उत्तम पर्याय आहे, कारण त्यातील मॉइश्चरायझिंग घटक त्वचेला कोरडे आणि निस्तेज होण्यापासून रोखण्यास मदत करतात.
दुसरीकडे, आपल्या भारतीय देशात तीव्र उष्णता, दमटपणा आणि अति घामावर कॉम्पॅक्ट पावडर हा सर्वोत्तम आणि सर्वात सोपा उपाय मानला जातो. विशेषतः तेलकट आणि मुरुमांची समस्या असलेल्या त्वचेसाठी, चेहऱ्यावरील अतिरिक्त तेल शोषून घेण्यास आणि दिवसभर चेहऱ्याला फ्रेश मॅट फिनिश देण्यास याची खूप मदत होते. शिवाय, कॉलेज विद्यार्थिनी आणि नोकरी करणाऱ्या महिलांसाठी ही नेहमीच पहिली पसंती असते, कारण यामुळे त्यांना तातडीच्या कामासाठी किंवा प्रवासादरम्यान चेहऱ्याला सहज आणि पटकन टच-अप करता येतो.
लिक्विड फाउंडेशन आणि कॉम्पॅक्ट पावडर यांपैकी काय चांगले आहे या प्रश्नावर सौंदर्य तज्ज्ञांचं अंतिम मत असं आहे की, हे पूर्णपणे व्यक्तीच्या त्वचेचा प्रकार, वय आणि ती राहत असलेल्या हवामानावर अवलंबून असते. लग्नसमारंभात किंवा रात्रीच्या महत्त्वाच्या कार्यक्रमांना जाताना, दीर्घकाळ टिकणाऱ्या चमकसाठी लिक्विड फाउंडेशन वापरा आणि मेकअप सेट करण्यासाठी त्यावर हलक्या हाताने कॉम्पॅक्ट पावडर लावा. यामुळे मेकअप दीर्घकाळ तसाच राहिल. म्हणूनआपल्या त्वचेच्या गरजा अचूकपणे जाणून घेणं आणि त्यानुसार योग्य मेकअप उत्पादन निवडणं, तुमचं सौंदर्य कायम टिकवून ठेवेल.
