बीडमधील मस्साजोगचे सरपंच संतोष देशमुख हत्याप्रकरणातील मुख्य आरोपी वाल्मीक कराड याची प्रकृती अचानक बिघडल्याने त्याला उपचारासाठी रुग्णालयात दाखल करण्यात आलं आहे. सध्या डॉक्टरांकडून त्याची वैद्यकीय तपासणी सुरू असून, अहवालानंतर पुढील उपचारांबाबत निर्णय घेतला जाणार आहे. मिळालेल्या माहितीनुसार, आज सकाळी अस्वस्थता जाणवल्यानंतर वाल्मिक कराडला कडक पोलीस बंदोबस्तात जिल्हा रुग्णालयात हलवण्यात आलं. रुग्णालय परिसरात मोठ्या प्रमाणात पोलीस तैनात करण्यात आले असून, बाहेर त्याच्या समर्थकांचीही गर्दी पाहायला मिळाली.
दरम्यान, संतोष देशमुख हत्याप्रकरणात कराडचा जामीन अर्ज यापूर्वी अनेकदा न्यायालयाने फेटाळला आहे. सध्या या प्रकरणाची सुनावणी न्यायालयात सुरू असून, तपास यंत्रणा पुढील कारवाई करत आहेत.
