राज्याचे तत्कालिन गृहमंत्री आर.आर.पाटील यांनी राज्यात डान्सबारवर बंदी आणून एकेकाळी खळबळ उडवून दिली होती. मात्र, स्वर्गीय आर.आर.पाटील उर्फ आबा यांच्याच सांगली जिल्ह्यात पुन्हा डान्सबार सुरु झाल्याचे विदारक चित्र आहे. सांगलीच्या मिरज तालुक्यातील विजयनगर मध्ये सुरू असणाऱ्या डान्सबारवर छापा टाकून पोलिसांनी कारवाई केली आहे. पहाटेपर्यंत सुरू असणाऱ्या कारवाई मध्ये कोल्हापूर जिल्ह्यातील पाच महिलावर कारवाई करण्यात आली आहे. तर ग्राहक म्हणून आलेल्या सांगली जिल्ह्यातील पाच जणांना अटक करण्यात आली आहे.
कोल्हापूर जिल्ह्याच्या पाच महिला आणण्यात आले होते. पोलिसांनी मिळालेल्या गुप्त माहिती आधारे स्पेशल पथक स्थापन करुन ‘राही पॅलेस’ वर छापा टाकला. यावेळी या बारमध्ये ग्राहकांसमोर नृत्य करून त्यांचे मनोरंजन करताना पाच महिला आढळल्या. या बारमध्ये डान्स करण्यासाठी आलेल्या महिलांवर कारवाई करण्यात आली आहे. तसेच डान्स बारमध्ये आलेल्या पाच ग्राहकांनाही अटक झाली आहे. स्वर्गीय आर. आर. पाटील यांनी महाराष्ट्रामध्ये डान्सबारवर बंदी घातली होती. परंतु स्वर्गीय आर.आर.पाटील यांच्या सांगली जिल्ह्यातच पुन्हा डान्सबारमध्ये छम-छम सुरू झाली आहे. पहाटेपर्यंत मिरज ग्रामीण पोलिसांची राही पॅलेस या डान्सबारवर कारवाई सुरू होती.
पाच महिलांची सुटका आणि पाच ग्राहकांना अटक
सांगलीच्या मिरज तालुक्यातील विजयनगर येथे राही पॅलेस या बारमध्ये कोल्हापूर जिल्ह्यातील पाच महिला आणण्यात आले असून या ठिकाणी डान्सबार सुरू असल्याची माहिती मिरज पोलीस उपअधीक्षक प्रणील गिल्डा यांना मिळाली होती. त्यानुसार त्यांच्या पथकाने राही पॅलेसवर छापा टाकला. यावेळी बारमध्ये ग्राहकांसमोर नृत्य करताना आणि अश्लील अंगविक्षेप करताना पाच महिला आढळल्या. या छाप्यात बारमध्ये डान्स करण्यासाठी आलेल्या महिलांवर कारवाई करण्यात आली आहे. तसेच डान्स बारमध्ये आलेल्या पाच ग्राहकांना अटक करण्यात आली असल्याचे मिरजचे ग्रामीण पोलीस निरीक्षक सोमनाथ वाघ यांनी सांगितले.
