मोठी राजकीय घडामोड घडत असून उद्धव ठाकरे यांच्या शिवसेनेला ऑपरेशन टायगरचा मोठा फटका बसल्याचं सांगितलं जात आहे. ठाकरे गटातील 6 खासदारांनी स्वतंत्र गटासाठी लोकसभा अध्यक्षांकडे अर्ज केल्याची माहिती समोर आली होती तसेच पक्षाच्या बैठकीला गैरहजर राहत त्यांनी बंडखोरीचे संकेत दिल्याचे बोलले जात होते.
दरम्यान, आज दुपारी 4 वाजता एकनाथ शिंदे यांच्यासोबत या खासदारांची पत्रकार परिषद होणार असल्याची चर्चा आहे. याआधी उपमुख्यमंत्री एकनाथ शिंदे आणि या सहाही खासदार यांच्या दोन तासांपासून चर्चा सुरु आहे. लवकरच हे खासदार पक्षप्रवेशासाठी तसेच पत्रकार परिषदेसाठी रवाना होतील. या नेत्यांची पत्रकार परिषद व्हाय. बी. चव्हाण सेंटरवर होणार आहे. महत्त्वाची बाब म्हणजे, आता या ठिकामी काटेकोर बंदोबस्त करण्यात आला आहे. या पक्ष प्रवेशा प्रकरणी सुरक्षा व्यावस्थेकडे विशेष लक्ष देण्यात आलं आहे.
