जगातील सर्वात मोठा सागरी मार्ग असलेल्या होर्मुजमध्ये तणाव प्रचंड आहे. होर्मुज खाडीतील स्थिती बिकड होत आहे. कोणत्याही परिस्थितीमध्ये इराण आणि अमेरिका युद्ध थांबून होर्मुज खाडी सुरक्षित व्हावी, ही जगाची इच्छा आहे. मात्र, होर्मुज खाडीत सर्वकाही विपरीत घडत आहे. होर्मुज खाडीतून जाणाऱ्या जहाजांवर गोळीबार केला जात आहे. अमेरिकेने होर्मुजमध्ये केलेल्या नाकेबंदीनंतर इराण आक्रमक झाला. परिस्थिती चिघळली आहे. अमेरिकेच्या नौदल नाकेबंदीमुळे इराणने होर्मुजची सामुद्रधुनी पुन्हा बंद केली आहे. होर्मुजमधील घडामोडीत तेलाच्या किमती गगणाला पोहोचल्याचे बघायला मिळत आहे. अनेक देशात ऊर्जेचे मोठे संकट आहे. आता हा मार्ग सुरक्षित करण्यासाठी आणि जागतिक बाजार स्थिर ठेवण्यासाठी अत्यंत मोठा निर्णय जगातील काही देशांनी घेतला. तब्बल 30 हून अधिक देश होर्मुज खाडीसाठी एकत्र आले.
नुकताच मिळालेल्या माहितीनुसार, होर्मुज खाडीतून होणारी जलवाहतूक पुन्हा सुरळीत करण्याकरिता 30 हून अधिक देश पुढे आलेत. बुधवारी आज लंडनमध्ये याबाबत महत्वाची बैठक पार पडणार आहे. ब्रिटनच्या संरक्षण मंत्रालयाच्या नेतृत्वाखाली होणाऱ्या या बैठकीचा मुख्य उद्देश आहे की, होर्मुज खाडीतील परिस्थिती सामान्य होणे आणि पूर्वीसारखी सुरक्षित वाहतूक होणे.
या बैठकीला भारतालाही निमंत्रण मिळाले आहे. फ्रान्स, जर्मनी, इटली, नेदरलँड्स, स्वीडन, नॉर्वे, फिनलंड, डेन्मार्क, पोलंड, ब्रिटन, बेल्जियम, जपान, दक्षिण कोरिया, ऑस्ट्रेलिया, न्यूझीलंड, बहरीन, संयुक्त अरब अमिराती, कॅनडा यासारखे देश सहभागी होणार आहेत, यासोबतच अजून काही देशांची नावे पुढे येणे शिल्लक आहे. या बैठकीपासून अमेरिकेला दूर ठेवण्यात आले.
युद्धात सहभागी असलेल्या देशांच्या यात समावेश करण्यात आला नाही. होर्मुज खाडी सुरक्षित करण्यासाठी थेटपणे भूमिका घेताना काही देश दिसत आहेत. हा मोहिमेचे नेतृत्व ब्रिटन आणि फ्रान्स करत आहेत. होर्मुज खाडीतून जाणाऱ्या जहाजांना सुरक्षा नक्की कशी मिळेल, याकरिता प्रयत्न केली जात आहेत. अमेरिकेने होर्मुज खाडी सुरक्षित करण्यासाठी काही देशांची मदत मागितली. मात्र, एकगही देश अमेरिकेच्या मदतीला पुढे आला नाही.
