‘त्याला क्रिकेट शिवाय…’, वैभव सूर्यवंशी याला कपिल देव यांचा मोठा इशारा.. म्हणाले भविष्यात…

Kapil Dev Warning on Vaibhav Sooryavanshi: राजस्थॉन रॉयल्सचे तरुण, तडफदार आणि धमाकेदार खेळाडू वैभव सूर्यवंशी आता अवघ्या 15 वर्षांचा आहे. त्याने व्हाईट बॉल फॉर्म्याटमध्ये कमाल कामगिरी करून दाखवली आहे. त्याच्यामुळे क्रिकेट विश्वात खळबळ उडाली आहे. पण अनेक दिग्गजांनी या डावखुऱ्या फलंदाजाविषयी चिंता व्यक्त केली आहे. तो रेड बॉल फॉर्म्याटमध्ये तितकीशी कमाल दाखवेल की नाही हा त्यांना प्रश्न पडला आहे. तर काहींना तो कसोटी मालिकेत कसा खेळतो याची उत्सुकता आहे. आताच कुठे वैभवच्या क्रिकेट जीवनाला सुरूवात झाली आहे. त्याला अजून मोठा पल्ला गाठायचा आहे. त्याचा खेळ पाहिल्यानंतर 1983 मध्ये देशाला विश्वचषक जिंकून देणारे कर्णधार कपिल देव यांनी मोठे भाकीत केले आहे. त्यांनी या तरुण खेळाडूला भविष्यासाठी सतर्कतेचा इशारा दिला आहे.

आयुष्याच्या शाळेतील धडे

द हिंदूला दिलेल्या मुलाखतीत कपिल देव यांनी वैभव याला वडिलकीचा सल्ला दिला आहे. जस जसा वैभव जीवनाचा अनुभव घेईल, आयुष्याच्या शाळेत धडे गिरवेल. तशा त्याच्यासाठी काही गोष्टी बदलतील. सध्या तर त्याच्या आयुष्यात क्रिकेट शिवाय काहीच नाही. खरोखरच तो एक खास खेळाडू आहे. पण आपल्याला त्याला वेळ द्यावा लागेल. तो अजून लहान आहे. त्याला क्रिकेट व्यतिरिक्त अजून दुसरं काही माहिती नाही. जेव्हा तो आयुष्याच्या शाळेत धडे गिरवेल. तेव्हा त्याच्यासाठी काही गोष्टींचे संदर्भ बदलतील. सध्या तो एकदम फॉर्ममध्ये आहे. तो स्पेशल टॅलेंट आहे, यात काही शंकाच नाही. पण त्याला अजून बराच लंबा टप्पा गाठायचा आहे असे कपिल देव यांनी सल्ला दिला.

70 षटकारांचा विश्वविक्रम

वैभव सूर्यवंशी याने गुजरात टायटन्सविरोधात शुक्रवारी महाराजा यादवेंद्र सिंह आंतरराष्ट्रीय क्रिकेट मैदान, मुल्लांपूरमध्ये क्वालिफायर-2 सामन्यात 47 चेंडूवर 96 धावा काढल्या. वैभव सूर्यवंशीने या दरम्यान 204.26 च्या स्ट्राईक रेटने फलंदाजी केली. त्याने या सामन्यात 8 चौकार आणि 7 षटकार चोपले. वैभव सूर्यवंशीने यासोबतच IPL 2026 हंगामात एकूण 72 षटकार ठोकण्याचा अविश्वसनीय रेकॉर्ड नावावर कोरला. इतक्या कमी वयात अशी कामगिरी करणारा तो एकमेव खेळाडू ठरला आहे. वैभव सूर्यवंशीने टी20 टूर्नामेंटच्या एका हंगामात 70 वा त्यापेक्षा अधिक षटकार ठोकण्याचा विश्वविक्रम केल्यानंतर अनेक खेळाडूंनी त्याच्यावर स्तुतीसुमनं उधळली. यापूर्वी जगातील कोणत्याच खेळाडूला असा विक्रम नावावर करता आलेला नाही.