बॉलिवूडचा ‘मिस्टर परफेक्शनिस्ट’ म्हणजेच अभिनेता आमिर खान गेल्या काही दिवसांपासून त्याच्या प्रोफेशनल आयुष्यामुळे नाही तर खासगी आयुष्यामुळे चर्चेत आला आहे. आमिर याने नुकताच गौरी हिच्यासोबत लग्न केलं आहे. सांगायचं झालं तर, गेल्या अनेक महिन्यांपासून आमिर गर्लफ्रेंड गौरी स्प्रैट हिला डेट करत आहे. 60 वाढदिवशी आमिर याने गौरी हिच्यासोबत असलेल्या नात्याची कबुली दिली. त्यानंतर दोघांना अनेक ठिकाणी एकत्र स्पॉट देखील करण्यात आलं. अनेक वर्ष एकमेकांना डेट केल्यानंतर आमिर आणि गौरी लग्न केलं आहे. हे आमिर याचं तिसरं लग्न आहे. दोन घटस्फोट झाल्यानंतर अभिनेत्याने तिसरा संसार थाटला आहे. पण या यादीमध्ये अन्य सेलिब्रिटी देखील आहेत.
आमिर खानचं पहिले लग्न 1986मध्ये रीना दत्तासोबत झाले होते. सुमारे 16 वर्षांनंतर त्यांचा घटस्फोट झाला. त्यानंतर 2005मध्ये त्याने किरण रावसोबत दुसरे लग्न केलं. 2021 मध्ये त्यांनी विभक्त झाल्याची घोषणा केली. आज आमिर खानने गौरी स्प्रॅटसोबत तिसऱ्यांदा लग्न केलं आहे. एका पेक्षा अधिक लग्न करणाऱ्या सेलिब्रिटींमध्ये त्यांचं देखील नाव आहे. या बॉलिवूड क्लबमध्ये त्याच्या नावाची भर पडली आहे.
जेव्हा बॉलिवूडमधील सर्वाधिक विवाहांबद्दल चर्चा केली जाते, तेव्हा कबीर बेदी यांचं नाव सर्वात आधी घेतलं जातं. त्यांनी दोन – तीन नाही तर चार वेळा लग्न केलं आहे. याची सुरुवात प्रतिमा बेदीपासून झाली. त्यानंतर त्यांनी सुझॅन, निक्की बेदी आणि परवीन दुसांझ यांच्याशी लग्न केलं. जी त्यांच्या मुलीच्या वयाची आहे. आपल्या प्रोफेशनल जीवनासोबतच, ते आपल्या वैयक्तिक आयुष्यामुळेही चर्चेत असतात.
अभिनेता संजय दत्तचं वैयक्तिक आयुष्य एखाद्या सिनेमाच्या कथेपेक्षा कमी नाही. त्याचं पहिलं लग्न रिचा शर्मासोबत झालं होतं. तिच्या मृत्यूनंतर संजयने रिया पिल्लईशी लग्न केलं. हे लग्न फार काळ टिकलं नाही. त्यानंतर त्याने मान्यता दत्ताशी लग्न केलं. आज तो आपल्या कुटुंबासोबत आनंदी जीवन जगत आहे. दोघांना जुळी मुलं आहेत.
टीव्ही आणि बॉलीवूड अभिनेता करण सिंग ग्रोव्हरनेही तीन वेळा लग्न केलं आहे. त्याचं पहिलं लग्न श्रद्धा निगमसोबत झालं होतं. त्यानंतर अभिनेत्री जेनिफरसोबतचं हे लग्न फार काळ टिकलं नाही. त्यानंतर करणने बॉलीवूड अभिनेत्री बिपाशा बसूशी लग्न केलं. आज ते दोघे एका मुलीचे आई – वडील आहेत.
