1 मेपासून मुंबईमध्ये ऑटो रिक्षा चालकांना मराठी भाषा सक्तीबाबत राज्य सरकारने निर्णय घेतला आहे. परिवहन मंत्री प्रताप सरनाईक याप्रकरणी आग्रही आहेत. मात्र, या मुद्द्यात शिंदेंच्या शिवसेनेत दोन गट बघायला मिळाली. एकदम निर्णय लादल्यास त्याचा मोठा परिणाम दिसून येऊ शकतो. यादरम्यान प्रताप सरनाईक यांनी स्पष्ट केले की, महाराष्ट्रात रोजगार करायचा असेल तर मराठी आलीच पाहिजे. रिक्षाचालक आणि टॅक्सीचालकांना मराठी शिकण्यासाठी ऑगस्टपर्यंत वेळ देण्यात आला. 1 मेपासून मराठी सक्तीचे पालन केले जाणार आहे. मात्र, तात्काळ कारवाई केली जाणार नाही. काही संघटनांनी 4 मे रोजी राज्य सरकारच्या या निर्णयाच्या विरोधात संपाची निर्णय घेतला. मात्र, त्या संपाबाबत अजून अधिकृत माहिती मिळू शकली नाही. पण यादरम्यानच एक मराठी अभिनेता आणि बिग बॉस फेम शिव ठाकरे लोकांच्या मदतीला धावला आहे.
शिव ठाकरे याने सोशल मीडियावर खास पोस्ट शेअर करत लोकांच्या मदतीसाठी तत्पर असल्याचे सांगितले. शिव ठाकरे याने पोस्ट शेअर करत म्हटले की, राम राम महाराष्ट्र… 4 मे रोजी टॅक्सीचालक यांचा संप आहे. तरीही आपल्या सेवेत कुठेही MH 27 DK 0909 TATA हॅरिअर तुमच्या हक्काची टॅक्सी रिक्षा कुठेही दिसल्या हक्काने थांबवा. आपली खूप एकच.. गाडीच्या पाठीमागे जय महाराष्ट्र…
आणि चालक सीटवर भगवा फेटा असलेला दादा आपल्या सेवेत सदैव तत्पर… काहीही ह… मराठी माणूस थांबता कामा नये.. तुमचा शिव ठाकरे… अशी पोस्ट शिव ठाकरे याने शेअर केली. मात्र, परिवहन मंत्री प्रताप सरनाईक यांच्या म्हणण्यानुसार, कोणत्याही संघटना याविरोधात आंदोलन करणार नाहीत. मात्र, शिव ठाकरे याने आपल्या माणसांसाठी एक मदतीचा हात पुढे केला.
शिव ठाकरे याची ही पोस्ट दोन दिवसांपूर्वीची आहे. फक्त शिव ठाकरे हाच नाही तर अनेक अभिनेते आणि अभिनेत्रींनी या मुद्द्यात आपले मत मांडले. अनेकांनी थेट पणे भूमिका घेत म्हटले की, इथे काम करायचे असेल तर मराठी आलीच पाहिजे. त्यामध्ये आता शिव ठाकरे हा थेट मदतीकरिता पुढे आल्याचे बघायला मिळत आहे. मराठी सक्तीचा मुद्दा राज्यात गाजत आहे.
